Texts
Return to list
| edit | delete | Create a new
| Statistics
| ? Help
Brendojev Vladimir .
N’utoi
genre: Lyric work
Source:
Oma mua. № 31, 2026, p. 7
Brendojev Vladimir
N’utoi
Livvi
New written Livvic
Savihiine vuattušušši,
Baikkupaikku, pitkät kistit,
Enne kirruin sinuu N’ušši,
Nygöi – N’utoikse jo ristiin.
Eulluh sinul čomii ruuttii,
Muga – varzisoba luja…
Aigu äski tavan muutti,
Kus on tyttö argu, ujo?
Oli kassu – hiirenhändy,
Kurmiččulois nydžänenä…
Tuli aigu neijištändän,
Kačos, milleh kazvoit, venyit.
Milleh aigu muutti tytön.
Rodih N’ušis neidoi näbei,
Nydžänenäs – čoma N’utoi,
Vai ei minun… Se on abei.
