Texts
Return to list
| edit | delete | Create a new
| Statistics
| ? Help
Kačo kodii sydämespäi
Source:
Oma mua. № 32, 2026, p. 6
Kačo kodii sydämespäi
Livvi
New written Livvic
Anuksen piirin Suuren Sellän kyläh käydyy ainos lähtet siepäi vähäzel möllistyksis, ga ainos hyväs mieles. Ei vai sen periä, ku kyläs on kuvattu kymmeniäine Ven’an tundiettuloin elokuvastuudieloin elokuvua. Jälgimäine on Morozko-suarnu, kudai vaste tänä sygyzyn pannah kačottavakse. Kuvuamizen jälles kyläh jäi čomendettu kodi suurien pordahienke da aidoineh da vie suuri piha talois ymbäri. Se on nygöi uuzi kylän turizmuobjektu.
Hyvä mieli jiäy kylän ristikanzoin periä. Yksi heis on Julija Rustamova, Suuren Sellän muzein – Karjalazen koin emändy. Kogo Suuren Sellän rahvas autettih muzein keriämizes, tuodih omis taloloispäi dai vanhois hyllättylöis lövvettyy eluo. On kätkyt, kuožali, härkimet dai muut ruadobrujat. Täyzi rundugu on kaikenmostu vanhua astettu. Ombelumašinas on Nevvostovaldivon ezmäine gerbu! Kunnivosijal seinäl ollah vanhat obrazat da died’oin medalit da kuvat. Voibi hätki kačella da ihailla hienostu koukkuzel nieglomistu stolal dai kuvottuloi hurstiloi lattiel.
On hyvä mieles, ku rahvas kaikkiel on ruvettu ellendämäh oman histourien kallehuttu. Se pyzyy tallel ei vai elokuvis da kniigois. Parahite sidä ozuttau kodi sydämespäi.
