Texts
Return to list
| edit | delete | Create a new
| Statistics
| ? Help
Pido Ven’an flavun kunnivokse
Source:
Oma mua. 2026. 02.09 (№ 34). С. 2
Pido Ven’an flavun kunnivokse
Livvi
New written Livvic
Elokuun 21. päivänny Ven’an flavun päiviä vaste Petroskoin Nevvostoliiton lagevol piettih konsertu-miitingu.
Tämän päivän hantuzis Karjalas tazavallan eläjät otettih ozua eri pidoloih da pruazniekkukulguloih. Petroskoin Nevvostoliiton lagevol piettih suuri konsertu, kudamah tuli äijy rahvastu.
Kolmevärizel Ven’an flavul on pitky histourii, sil on jo enämbi 358 vuottu.
Vuvvennu 1991 käskyn kolmevärizen flavun hyväksyndäs allekirjutti Ven’an piämies Boris Jel’tsin, tämä histourielline flagu oli nostettu elokuun vallankumovuksen aigua Valgien koin piäle Moskovas.
Flavun valgei väri merkiččöy syväimen puhtahuttu da iččenäžytty, sinine – viizahuttu da oigevuttu, ruskei – urhakkohuttu da rohkevuttu.
Pivon aigua 21.elokuudu Karjalan tazavallan piämiehen alovehellizes poliitiekas vastai sijahine Roman Golubev Artur Parfenčikovan nimes hyvitteli kaikkii pruazniekan kel. Hänen käzis Petroskoin nuorižo enzikerran sai omat enzimäzet Ven’an pasportat.
– Meijän flagu yhtistäy 190 Ven’al eläjiä kanzua, anna tämä pruazniekku juohattau meijän perindölöi da vastuolližuttu kodimuan tulies aijas da ielleh yhtistäy meidy, sanoi Golubev.
Pruazniekkukonsertan lopus Oniegujärven randupihal jyrähtettih ilotulet Ven’an flavun värilöis.
