Texts
Return to list
| edit | delete | Create a new
| Statistics
| ? Help
Änižröunan vepsläižiš küliš zavodihe kodikelen kursad
Source:
Kodima. 2026. № 10 (403). С. 3
Änižröunan vepsläižiš küliš zavodihe kodikelen kursad
Veps
New written Veps
Vepsläižiš küliš – Kalages, Šoutjärves da Šokšus – zavodihe vepsän kelen kursad. Niiden opendajad oma vepsän kelen tundijad: Ol’ga Mironova, Ol’ga Kokorina da Tatjana Gofman. Kursad mäneba kerdan nedališ. Kalages niid vedetas "Värtin"-etnokeskuses, Šoutjärves – "Kaičei"-kodiš, Šokšus – Kul’turpertiš.
– Täl vodel čomal aigal sügüz’kus mö möst zavodim keratas ühtes besedale paginklubha. Besedale käveleb kahesa mest, keradamoiš kaikuččen nedalin nellänz’päivän. Konz tulem besedale, lugem "Kodima"-lehtesen, "Verez tullei"- da "Kipinä"-kulehtesid, meiden vepsläižiden runoilijoiden runoid. Muštlem erazvuiččid starinoid da istorijoid, kut eletihe ende da kut om nügüni, tegem erazvuiččid tegendoid, – starinoiči "Kaičei"-sebran ühtnik Ol’ga Kokorina.
Vepsän kelen kursiden opendajad otaba radho erazvuiččid openduzkirjoid, kävutaba Ol’ga da Maria Mironovoiden abuopenduzkirjad, a mugažo online-openduztrenažorad, miččen tegi Gleb Fomin.
Vepsän kelen kursad vedetas Vepsän kul’tursebran "Vepsän man än’" -projektan aigan Karjalan Pämehen Grantoiden fondan rahatugel.
