Texts
Return to list
| edit | delete | Create a new
| Statistics
| ? Help
Brendojev Vladimir.
Ozan andamuat
Brendojev Vladimir
Ozan andamuat
Livvi
New written Livvic
Korgei kodi, suuri sugu –
Ozal millo annettu,
Järvie lugematoi lugu,
Rehey meččy rannatoi.
Millo annettu on valdu
Elos oma rakendua,
Syväinpohjih panna taldeh
Kuuzes kävyn pakundu.
Millo annettu on kuulla
Abiet pellon hyllätyn.
Kuulla hengävykses tuulen
Abiet kasken kullatun.
Millo annettu on kibiet
Kodikonnus torata.
Tylgiät millo – kielet libiet,
Kuduat tyhjiä korotah.
Millo annettu on tuta
Hilau huoli hieruväin…
Minä kybenyžes sytyn,
Ku vai tuleh puukse päin.
