Texts
Return to list | edit | delete | Create a new | history | Statistics | ? Help
Periodika-paindištoho oma tulnuded vajehtused
Periodika-paindištoho oma tulnuded vajehtused
Veps
New written Veps
Vodespäi
2014 vilukun 14.päiväspäi Periodikapaindišton pämez’ om Aleksei Makarov .
Hänel oli jüged radmatk , no kaiken hänen rad oli sidotud joukvestištonke .Hän openzihe Piterin üläopištos lehtmehiden tedokundal .Jäl’ges sen lopindad hän tuli radmaha joukvestištoho .Kaks’toštkümne vot Aleksei Makarov radoi Karjalan TV :s .Sigä hän zavodi rata korrespondentan i kazvoi varapätoimitajaks .Vodel 1999 hän lopi ekonomikan tedokundan Petroskoiš .
Aleksei radoi äjak-se Nabl’udatel’-lehteses .Lehtesen sauptandan jäl’ghe hän radoi Karelia-lehteses .Sil-žo aigal hän radoi Karjalan finansministerstvan press-sekretarin .
Vodel 2002 händast kuctihe ministerstvaha joukvestišton erišton pämeheks .Mugažo hän radoi Karelia-paindišton pämehen , Karjalan valdkundan kul’turministerstvan varapämehen , Karjalan valdkundan administracijan varapämehen .Udes oli Karelia-paindišton pämehen i ühten aigan oli Karelia-lehtesen pätoimitajan .
Konz vodel 2010 Karjalan pämeheks tuli Andrei Nelidov , Makarovad heittihe Karelia-paindišton pämehen radsijalpäi .Jäl’ges Aleksei Makarov tuli Karelinform-saitan johtajaks .Vodel 2012 händast kuctihe Petroskoin universitetan paindištoho .
Vodespäi 2013 tal’vkuspäi i nügüd’ Aleksei Makarov radab informagenstvan da Sampo-TV-n pämehen , a vodespäi 2014 vilukuspäi hän ohjandab Periodika-paindištod-ki .
Iče Aleksei Makarov om sündunu Petroskoihe .Hänel oma karjalaižed da suomalaižed jured , no iče hän ei mahta pagišta karjalaks da suomeks .Nügüd’ hän süveneb Periodikan radho , tarkišteleb sadud tedoid , meletab , kut voib paremboita radod , kehitoitta paindištod , levitoitta lugijoiden joukud .Toivotam hänele satusid neciš jügedas rados !
Periodika-paindištoho oma tulnuded vajehtused
Veps
New written Veps