Texts
Return to list | edit | delete | Create a new | history | Statistics | ? Help
Irina Sotnikova. Vepsläine fil’m tuli parahimaks festivalil
Irina Sotnikova
Vepsläine fil’m tuli parahimaks festivalil
Veps
New written Veps
Kinofestival’
: Estonias kezakun 4.–8 .päivil mäni Ezmäine suomaliž-ugrilaižiden fil’moiden festival’ .
Suomaliž-ugrilaižiden fil’moiden festival’ mäni Suvi-Estonias , Ciistre-küläs .Sihe ühtniba Suomen , Estonian , Vengrian da Venäman suomalaiž-ugrilaižiden rahvahiden ezitajad .Kinofestivalil vepsläižed Karjalaspäi , Larisa Smolina i minä , necen kirjutesen tegii , ozutiba fil’man živatoiden polhe (Živatad vepsläižiden elos-fil’man ).
Festivalile tuli äi norid , kudambad vaiše zavodiba tehta fil’moid .Hö toiba ičeze scenarijoid , miččed völ ei ole tehtud lophusai , da uzid idejoid .Nece festival’ andoi norile voimusen vajehtadas mahtištol ičeze kollegoidenke , sada uzid tedoid , tundijoiden arvostelendad da nevondoid .
Festivalin tegijan oli Edina Csüllög .Hän om Vengriaspäi , nügüd’ eläb Estonias , Tallin-lidnas .Edina starinoiči , kut i mikš hänel sündui idei tehta kinofestival’ Estonias : ”Tahtoin , miše suomalaižugrilaižil rahvahil oližiba ičeze fil’mad .Nece om lujas melentartuine i tärged azj .Ku om hüvä idei , ka linneb hüvä fil’m-ki .Tämbei ei ole kirjoid , miččed opendaižiba ristituid tehmaha fil’moid , kirjutamha scenarijoid .Iče tegen fil’moid , opendan toižid .Fil’mad – nece om minun elo .Planoiš om tehta festival’ kaikuččel vodel da mugažo tehta fil’m festivalin aigan .Nece linneb hüvä praktik niile ristituile , ken vaiše zavodib tehta fil’moid ”.
Festivalin aigan mäniba mastar’-klassad , miččid vediba tutabad mehed – fil’moiden ohjandai Daniel’ Erdeli Vengriaspäi da kirjutai , fil’moiden tegii Mart Kivastik Estoniaspäi .Hö openziba meid kirjutamha scenarijoid i sel’genzoitiba äjan , kut pidab oikti valita päurohod fil’man täht , tehta fil’moid muga , miše mel’dütoitta kacujid .A ehtoidme festivalin ühtnikoid ihastoitiba sijaližed artistad .
Vides päiväs oli ozutadud 50 fil’mad .Ned oliba ani erazvuiččed .No konkursaha ühtniba vaiše 25 lühüdad fil’mad .Jäl’gmäižel festivalin päiväl tehtihe ühthevedoid .Parahimaks fil’maks tuli Larisa Smolinan i Vladimir Slavovan fil’m ”Živatad vepsläižiden elos ”.Nece fil’m starinoičeb kodi - i mecživatoiden , mugažo linduiden roliš vepsläižiden elos .Siš om kaik vepsän rahvahan mel’vuz’ : veroid , muštatišid , primetoid , kudambad om sidotud živatoidenke .Fil’man bohatuz’ om siš-ki , miše sigä ozutadas lujas äi živatoid .Kažid , koirad , kondi , tedriden kim , lehmäd da härgäd pöudoil , hirb’ joges i m .e .Vladimir Slavov koume vot tegi sjomkad necen fil’man täht .Hän iče om mecnik .Ozutesikš tedrid kimt hän heiti kameraha koume öd .
Fil’m oli tehtud vodel 2008 M .A .Castrenin-sebran raha-abul da Nuori Karjala-sebran abul .S’jomkad mäniba erazvuiččiš pohjoižvepsläižiš küliš : Šokšus , Vehkojas , Šoutjärves , Kalages , Toižeges , Kaskezas .Fil’man tegijoiden sanoiden mödhe fil’m ”Živatad vepsläižiden elos ” om tehtud kut vanhembile mehile , mugažo lapsile-ki .Ved’ eskai školas vepsän kelen urokoil nece fil’m om hüvä openduzmaterial .
Nominacijas ”Parahim kinematografii ” vägesti Ivan Golovn’ovan fil’m ”Месторождение ” (Hanti - Mansiiskan agj ), nominacijas ”Parahim fil’man ohjandajan rad ” – Aarne Leiman fil’m ”Pekkon päiv ” (Estonia ).Denis Kornilovan fil’m ”Gerakl ” (Udmurtia ) i Ol’ga Kon’kovan da Denis Kuz’minan fil’m ”Venäman suomalaiž-ugrilaižed rahvahad ” saiba eriližid lahjoid .
Kinofestival’ Estonias oli tozi hüvä i melentartuine .Se andoi meile voimust kacta toižid fil’moid , tundištadas toižiden suomalaiž-ugrilaižiden rahvahiden ezitajidenke .Kaik festivalin ühtnikad saiba hüväd mel’t , unohtamatomid tundmusid , uzid tedoid .A ved’ fil’mad kodikelel oma lujas tarbhaižed meiden elos .Fil’moiden abul mö voim kaita kut kel’t , mugažo rahvahan kul’turad .
Tahtoin sanuda sur’ spasib kaikile festivalin tegijoile mugoižes lämäs adivoičetuses .Sigä eläba lujas südäimeližed ristitud .Meid lujas hüvin vasttihe .Kaik nened viž päiväd mö olim kuti ičelaze kodiš .
Toivom , miše nece hüvä idei tehta festival’ kaikuččel vodel tuleb eloho i se andab voimust norile todenzoitta ičeze meletusid .
Vepsläine fil’m tuli parahimaks festivalil
Veps
New written Veps