Texts
Return to list | edit | delete | Create a new | history | Statistics | ? Help
Galina Baburova. Kaikam toine tošt!
Galina Baburova
Kaikam toine tošt!
Veps
New written Veps
Päivänteraline
küzund : Muštpacaz repressiruitud suomalaižiden muštoks tahtoidas panda Sandarmohan kaumžomale tulijan voden elokuks .
Sandarmoh om mectaho , mitte sijaidase Karjalas 12 kilometrad Medvežegorskaspäi .1937-1938 – vozil ( ned oliba repressoiden voded ) sigä oli amptud enamb 9500 mest . Erasiden tedomehiden mel’pidon mödhe , nece lugumär voi olda völ suremban .Ken-se rohtib pagišta 15000 kolnuziš .Sil aigal nece oli üks’ kaikiš surembišpäi mahapanendoišpäi Venäman Pohjoiž-Päivlaskmanpoles .
Päazjan riktud ristituiden lugus oli specposelencoid , Belomoro-Baltižen da Soloveckijoiden sariden türmatud mehid da ümbrišton eläjid .Siloi heid nimitadihe ”rahvahan vihanikoikš ”.Sandarmohas oli löutud läz 236 haudad , kuna oli mahapandud peitoiči riktud ristitud .
Vodel 1997 Memorial-Piterin tedo-oppindkeskusen tedištuzjouk oli ezmäižen , ken löuzi necen sijan .
Vodel 1998 Sandarmohas oli avaitud memorialine kaumišt da oli pandud granitmuštpacaz kirjutesenke ”Ristitud , algat rikkoi toine tošt !”.
Voziden sirttes necile tahole oli pandud erižed muštpachad erazvuiččile rahvahuzile .Ved’ Sandarmohas oli riktud ristitud läz 58 rahvahut !Vladimir Kolomainen , Karjalan inkerilaižiden sebran pämez’ , holdub , miše neciš sijas ei ole muštpacast repressiruitud suomalaižile : ”Olen mugošt mel’t , miše suomalaižed oliba tehnuded suren panendan Karjalan kul’turan , taidehen da tegeližuden kehitoitandaha .Nece ei ole oikti , miše heile ei ole pandud erilišt muštpacast ”.
Vladimir Kolomainen starinoiči ičeze idejas – muštpachan tegemižes rahvahan täht .Äjile ristituile da kundaližile organizacijoile nece idei tuli mel’he .Nügüd’ nece idei hilläšti todenzoittas eloho .Nor’ mez’ Petroskoišpäi Pavel Kaltigin jo tegi muštpachan maketan .Mramorplitas (original linneb tehtud vauktas granitaspäi ) om čaptud reig ristan kartte .Rist om mokičusiden simvol .Ristas ištui lind znamoičeb igähut da valdal olijad henged .
Mugoine muštpacaz repressiruitud suomalaižiden muštoks tahtoidas panda kaumžomale 2015.voden 5.päiväks elokud .Nece om Suren terroran augotišen päivmär .Muštpachan tegemižele tarbiž äi rahoid .Karjalan inkerilaižiden sebral mugoižid surid rahavaroid ei ole .No kaikutte tahtnik , kudambal om voimuz da kudamb holdub neciš azjas , voib tehta ičeze rahapanendad .
Om žal , no erašti voinan vigad toštase .Vladimir Kolomainen om sidä mel’t , miše pidab kazvatada ičesaze hüvüt , heitta agressijad , opetas arvostelmha da kaičemaha toine tošt .Nece tarbiž sen täht , miše kaik eližiba kožmuses !
Kaikam toine tošt!
Veps
New written Veps