Texts
Return to list | edit | delete | Create a new | history | Statistics | ? Help
Irina Sotnikova. Minun henges om Karjala...
Irina Sotnikova
Minun henges om Karjala...
Veps
New written Veps
Männudel
vodel Rahvahaližiden kul’turiden keskuses mäni kuviden ozuteluz , miččen nimi oli ”Minun henges om Karjala ...”.Sen avtor om Vepsän rahvahan horan ühtnik Vladimir Melentjev .
Vladimir Savvatejevič Melentjev om sündunu vodel 1951 Arhangel’skan agjan Kotlas-lidnaha .Kut sanub iče avtor , melentartuz’ kuvataideheze hänel sündui völ školvozil .Hän čomiti seinlehtesid , pirdi transporantoid demonstracijoiden täht da plakatoid azjtegoiden täht .Laps’aigan hänele tuli oza tundištadas hüvän opendajanke Nikolai Aleksandrovič Dudnikovanke , kudamb abuti hänele kehitoitta lahjavut .
Vodel 1973 Vladimir lopi Leningradan veziajamiden inžineroiden institutan .Jäl’ges oli armijas Pohjoižel flotal .No muga ozaižihe , miše elo-oza toi händast Karjalaha .Hän pit’kha radoi Petroskoiš .Jäl’gmäižid vozid hän eläb Šoutjärves .No meletartuz’ pirdandaha om olnu kaiken .
Ozutelusen avaiži Vepsän rahvahan hor .I nece ei ole muite , ved’ Vladimir pajatab sigä jo enamb koumedkümned vot .Ezmäižel ozutelusel oli ezitadud avtoran 32 kuvad .Enamb radoid om pirtud vezimujul .Pirdai mugažo pirdab voil da akrilal .Vladimir lujas navedib londust , sikš äjil kuvil voib nähta avtoran armhid londuzkuvid .Kut sanui avtor , ozutelusel om ezitadud vaiše kuviden pala , äjid kuvid hän lahjoiči sebranikoile .
Ozatelem Vladimir Melentjevad hänen ezmäižen ozutelusen avaidusenke i toivotam vahvad tervhut da uzid sädai-idejoid .
Minun henges om Karjala...
Veps
New written Veps