Texts
Return to list | edit | delete | Create a new | history | Statistics | ? Help
Runoilii, kändai, tedomez’
Runoilii, kändai, tedomez’
Veps
New written Veps
Täl
vodel 15.uhokud tutabale karjalaižele tedomehele , kändajale , runoilijale Armas Mišinale täudui 80 vot .
Armas Mišin om sündunu Pustoška-külähä Piterin agjaha , a vodel 1949 nece čudokaz da lahjakaz mez’ tuli Karjalaha Sibirin Omsklidnaspäi .Vodel 1954 oli paindud hänen ezmäižed runod .
Armas Mišin kirjutab runoid kut venän , muga suomen kodikelel-ki .Om paindud äjak-se runokogomust venän da suomen kelil .Armas Mišin om tetab kaikile ičeze kändmižil suomen kelespäi venän kel’he .Hän om kändnu äi erazvuiččid Karjalan da Suomen kirjutajiden töid .Mugažo hän om üks’ Kalevela-eposan uden kändmižen kändajišpäi .Armas Mišinal om völ lujas äi erazvuiččid tituloid .Hän om filologižiden tedoiden kandidat , Kirjailijoiden ühtištusen ühtnik , erzvuiččiden premijoiden laureat , arvostadud Venäman da Karjalan kul’turan radnik , Sebrusen ordenan kavaler ...kaiked ed muštaki !
Ozatelemaha Armas Mišinad Rahvahaližehe kirjištoho tuliba sebranikad , ühtradnikad , hänen sädandradon navedijad .Literaturehtal kirjailijan sündundpäiväks oli ezitadud uz’ avtoran lirine runokogomuz suomen kelel ”Nelja kotimaata ”, mitte oli paindud Periodika-paindištos Juminkeko-fondan rahaabul .
Nece kirj tuli arvokahaks lahjaks runoilijan täht .
Armas Mišin arvostab literaturad rahvahaližil kelil , hänen südäimehe om vepsläine runo - da proza-sana .Hän oli ezmäižen , ken kundli äjid runoid , miččed om kirjutadad vepsän kelel .
Mö ozatelem necidä hüväd , melekast , avonašt mest jubilejanke da toivotam hänele uzid meletusid , avaidusid , hengen libutandad , tervhut , ozad da hüvid sebranikoid !!!
Runoilii, kändai, tedomez’
Veps
New written Veps