Texts
Return to list | edit | delete | Create a new | history | Statistics | ? Help
Minun armaz kodiživat
Minun armaz kodiživat
Veps
New written Veps
Uhokun
1.päiväspäi sulakun lophusai Kodima-lehteses mäni konkurs lapsiden täht .Konkursaha voiba ühtneda kaik tahtnikad seičemehetoštkümnehesai vodehesai .Lapsile pidi kirjutada starin ičeze armhas kodiživatas .
Kezan augotišes , Lapsiden kaičusen päiväl , mö tegim Minun armaz kodiživatkonkursan ühthevedod .Konkursaha ühtni läz 30 last Petroskoišpäi , Kalagespäi da Šokšuspäi .Erased kirjutiba melentartuižid starinoid ičeze živatoiden polhe da oigenziba fotoid , toižed pirdiba čomid kuvid .Mö saim äi kuvid da pätim jagada konkursan kahthe palaha .Ezmäižehe konkursan päpalaha ühtniba lapsiden starinad , toižhe – lapsil pirtud kuvad .
Ezmäižen sijan sai Arina Koz’uk , suomalaiž-ugrilaižen školan 2.klassan openik .Hän kirjuti lujas melentartuižen starinan Zevs-kažin da Stičkoiran polhe .Mö arvostelim völ kaks’ radod .Suomalaižugrilaižen školan 10.klassan openik Andrei Lukin hüvin starinoiči kodi - da mecživatoiden polhe i pirdi čoman pedran kuvan .Daša Kirilina Kalagespäi starinoiči meile ičeze kodijänišoiden polhe .Oli lujas melentartušt da ilokast lugeda lapsiden töid .Ned todeks toiba meile hüväd mel’t .
Parahiman kuvan valičiba meiden lugijad .Hö andoiba än’t sihe kuvaha , mitte tuli heile mel’he Kodima-lehtesen Vkontakte-internetlehtpolen gruppas .Lugijoiden melen mödhe parahiman kuvan pirdi Lika Šerligina suomalaižugrilaižes školaspäi .Hän pirdi ičeze popugajan .
Tahtoim ozatelda vägestajid da sanuda sur’ spasib kaikile ühtnikoile ühtnendas da hüviš töiš .A mö teidenke , kal’hed lugijad , voim lugeda lapsiden starinoid meiden lehtesen nomeroiš .
Minun armaz kodiživat
Veps
New written Veps