Texts

Return to list | edit | delete | history | ? Help

Vända, garmonj, Vidlan mal!

Corpus: New-writing language

New written Veps, Journalistic texts

Source: Gul’a Polivanova, Kodima. № 7, (2015), p. 3

Vända, garmonj, Vidlan mal!
(Vepsian)

Udes Vidlan ma vastsi vanhoid da uzid adivoid, kaikid, ken tuli Elonpu-praznikale. Tozi sanudas, miše vepsläižed muštaba ičeze vanhoid veroid i mahtaba noiduida. Kackat iče!
Kanman praznikad nimi ei endustand hüväd säd, praznikan jäl’ghe-ki oli huba: kova tullei, vilu da vihm! A kezakun 13. päiväl irdal oli hüvä, paštoi päiväine. Nece läm’ päiv ihastoiti praznikan ižandoid da adivoid.
Kanman Elonpu-praznikad, Vidlan kul’turpertiš mäni praznikkoncert, mitte oli omištadud Venäman Päiväle. Necil-žo ehtal oli völ üks’ tärged azjtegouden Valentina Lebedevan kirjan prezentacii. Kirjan avtor habi ehti jätta ičeze käzikirjutesen muštoksmuga äi oli tahtnikoid tundištadas hänen sädandradoho!
A toižel päiväl, homendesel, avoinirdale zavodihe keratas rahvast. Azotadihe möndrivid, čomid sijoid, kus kaikutte külä voi ezitada ičtaze. Artistad vaumičihe ezineda scenal, a lapsed hüpiba batutalkaikjal tundui praznikil’m.
Kaikutte voili ostta hurstid, kuvid, vepsläižid emägusid, olut, muštlahjoid...
No praznikan päpala mäni scenalnece oli garmonistoiden konkurs da erazvuiččiden kollektivoiden ezitusid. Sädaikollektivad tuliba erazvuiččiš Venäman agjoišpäi. Ilokahad garmonjan äned, častuškad da pajod venän da vepsän kelil muga manitiba-ki kacujid kargaidamha.
Kuverz’ hüvid vastusid vanhoiden sebranikoidenke, uded tundmused, fotod da muštlahjadkaik nece tegi praznikan völ veslembaks. Voib rohktas sanudaElonpu-praznik tuli kaikile mel’he!