Texts
Return to list | edit | delete | Create a new | history | Statistics | ? Help
Maria Filatova. Penikaižed istorijad kuviš
Maria Filatova
Penikaižed istorijad kuviš
Veps
New written Veps
Petroskoiš
oli tehtud seminar , kus opetihe pirdamha komiksoid .Seminar tehtihe jo toižen kerdan .Nügüd' se kerazi 13 mest .Üläopenikad , opendajad , lapsiden päivkodin radnikad tuliba seminarale , miše opendamhas uzihe mahtoihe .Seminaral ei olend tärged , mahtad-ik sinä pirtta vai ed .Kaikutte tulii sai ičeze täht hüvid tedoid da mahtoid .
Seminar zavodihe istorijaspäi , mi om komiks da kut se pidab pirtta .
Mi om komiks i kuspäi se tuli ?
Komiks-sana kätas anglian kelespäi kuti “ilokaz ” (comic ).Komiks – nece om starin kuviš .Niiš literatur da pirdandtaideh sulaba ühthe žanraha .
Ezmäižed komiksad oli paindud 120 vot tagaze New-Yuork Journal-kulehtesehe .Nece oli čomid kuvid i pičuižed starinad rohktoiš mehiš da heiden suriš tegoiš .No komiksoiden istorii zavodišoi aigemba .XVIIIvoz’sadal William Hogarth pirdi politižid karikaturoid .Nece oli mugažo todesine komiks : kuviden kogo , miččes oli üks’ mel’ .Jo XIXvoz’sadal komiksad tegihe lujas popul’arižikš .Siloi oma sündnuded gerojad Superman , Betman , Hämähoukmez’ , Donald Duck , Mickey Mouse , Amerika-kapitan da toižed .Kaikutte laps’ tedab nenid nimid nügüd’-ki .
Kuvad lendaba paginad !
Seminarad vedi Suomen pirdai Sanna Hukkanen .Hän om todesine mahtai komiksoiden tegemižes .Sanna om tehnu ičeze radon lujas hüvin : kut om tetpas , ei kaikutte mez’ mahtab pirtta , no jogahine ühtnik om pirdanu seminaran lopuks ičeze melentartuižen komiksan .Sanna Hukkanen pirdab komiksad , miččed lendaba erazvuiččid problemoid vai ozutaba todesišt rahvahan elod , sen kul’turad da veroid .Hänen kuvad koskeba temad afrikalaižiden elon polhe Suomes .Iče hän kuverz'-se vozid eli Tanzanijas .Nügüd’ hän vedäb kursid , kus opendab vähäluguižiden rahvahiden ezitajid da sebroiden ühtnikoid pirdamaha komiksoid .
Sanna Hakkunen : ”Minun melen mödhe , molembad seminarad , kut sulakus , muga redukus-ki mäni lujas hüvin !Seminaral oli hüvä mel’ il’mas i kuvad oliba lujas čomad , niiš oli letud äi tärktoid temoid , niiš , minun melen mödhe , om äi väged !Nügüd’ toivon , miše ned linneb ottud radho , ozutesikš , ezitusil , lugendlehtesiš i muga edemba .Toivon , miše äjad voiškandeba lugeda niid .Siloi komiksad voiba painastada meiden ühthižkundaha .Toivon , miše ned nostataba , lendaba paginad !
En völ teda tulebiš seminariš .Täl kerdal minai oli rahatugi vaiše nenihe kahthe seminaraha .Uzid seminarid kaken-se planiruidas , necil kerdal tulijoid oli enamba , mi varastim ”.
Pened kuvad – sur’ tego
Tehtud komiksad linneb paindud ühthe kirjaha .Ilokahad kuvad , melentartuižed starinad ei jätkoi tühjan südäimenke ni üht mest .Kaikutte löudab istorijan hengen mödhe .
Kirj kätas suomeks da venäks .Penikaižed kirjad kuvidenke voiškandeba lugeda päivkodin lapsed , školiden da universitetan openikad , kaik , kelle om melentatušt nece azj .Komiksoiden tegijad toivoba , miše kirj andab hüvid melid lugijoile .
Penikaižed istorijad kuviš
Veps
New written Veps