Texts
Return to list | edit | delete | Create a new | history | Statistics | ? Help
Norel francialaižel om melentartuz’ vepsoihe
Norel francialaižel om melentartuz’ vepsoihe
Veps
New written Veps
Kerdan
meiden redakcijaha kirjuti nor’ francialaine .Hän sanui , miše opendab vepsän kel’t da hänele om melentartušt vepsän rahvahan kul’tur .Nor’ mez’ pakiči abutada hänele kelen opendamižes .Kirjeižišpäi sel’genzoitihe , miše Guillaume (muga händast kuctas ) om lujas mahtokaz , i hänen vepsän kelen tedo om lujas korged .Mö pakičim händast starinoita Kodimalehtesen lugijoile ičesaze , siš , kuspäi hän tedišti vepsän rahvahan polhe da kut hänele ozastui muga hüvin opeta vepsän kel’t .
Minun tundištoituz vepsän kel’he
Minun nimi on Guillaume .Minei om 36 vot , elän Francian Lyon-lidnas .
Se om čudokaz !Homaičin , miše tal’vel mehiden da londusen elo om vastkarine .Konz londuz magadab , lidn jorotab i likub ...Konz homendesel libun da mänen radole , nägen lidnad da sen eläjid : hö oma kuti murahaižed .Ristitud mäneba sinna-tänna , rigehtiba metroho vai jokseba , miše ehtta avtobusale ...Irdad oma täuded rahvast , a mašinoiden jono om kuti vilikoičii kü ...
Minä olen opendai .Minä opendan latinan , grekan i francian kelid , miččid openzin universitetas .Polestin minun dissertacijan latinan kelen polhe .Konz nece rad oli jo loptud , minä voin opeta toižid-ki kelid .Minä navedin löuta uzid sanoid , ladida el’geta niid ...Joga kel’ om üksjaine , kaikuččel kelel om erazvuitte muju , jogahižes keles om mehiden kuvadandoid .
Kerdan minun sebranik Pierre küzui minai : ”Tahtoižid-ik opeta suomen kel’t , minai om kaks’ grammatikad , voin antta sinei ühten .Se kirj om lujas melentartuine ”.Sid’ lugin kirjan i ladin opeta suomen kel’t’ , sikš miše se lujas erineb francian kelespäi i kelišpäi , miččid openzin ende .Ezmäižes urokas oli pen’ tekst , se oli Yrjö Kaijärven runo , mitte tuli minei mel’he .
Nece runo oli čudokaz , no kel’ oli minei völ čudokahamb .Sid’ lugin äi suomen kelel kirjutadud tekstoid , sikš miše tahtoin teta enamba necen kelen polhe .Kerdan , ectes tekstoid internetas , löuzin tekstan , miččes pagištihe vepsän kelen i vepsän rahvahan polhe .Minä en tedand nimidä siš .Sid’ ecin i löuzin internetas enamaba tekstoid vepsläižiš .Tedištin , miše om vepsänkeližid runokogomusid i grammatikkirjoid .Ezipakičin kaks’ kirjad – ”Vepsän kelen grammatik ” da ”Ičemoi lugemišt ”.Lugin niid .Äkkid nägištin ühtel lehtpolel tekstan , mitte kosketi mindai : ”Olen mugošt mel’t , miše mail’man literatur voiži kadotada äjan , ku ei oliži ližanus sihe runoid minun rahvahan kelel .Ved’ ned oma andnuded mugoižid runokuvid , miččid voib sauda vaiše minun kelen pohjal .Tahtoižin uskta mamankeližen literaturan tulebaha aigaha ”.
Sen jäl’ghe , tahtoin lugeda enamba ...i nügüd’ lugen jügedambid tekstoid .Nägen , miše vepsän kel’ om lujas čoma i melentartuine .Ližaks , minei om mel’he lugeda azjoid vepsän rahvahan i vepsän kul’turan polhe .
Minun vastuz vepsän kelenke oli ani mugoine .Erašti , statj tegeb čomid azjoid ...
Norel francialaižel om melentartuz’ vepsoihe
Veps
New written Veps