Texts
Return to list | edit | delete | Create a new | history | Statistics | ? Help
Sergei Minvalejev. Petroskoiš vastsihe heimrahvahad
Sergei Minvalejev
Petroskoiš vastsihe heimrahvahad
Veps
New written Veps
Festival’
: Suomalaiž –ugrilaižiden rahvahiden kul’turan festival’ voziden sirttes tegesoi popul’arižembaks .Täl vodel se lahjoiči Petroskoilaižile viž čomad päiväd .
Mirus om äi rahvahid .Jogahižel om ičeze kul’tur .Kaik kul’turad , rahvahad-ki oma erilaižed da melentartuižed .Pidab teta enamba toižiden-ki rahvahiden kul’turid da vajehtadas ičeze kul’turmahtištol kesketi .Sidä jo toižen voden tegeb Suomalaiž –ugrilaižiden rahvahiden festival’ , mitte mäni ei amu meiden Valdkundan pälidnas Petroskoiš da toi surid satusid .
Necen festivalin aigan erasid päivid erazvuiččiš Karjalan da Petroskoin sijoiš da koncertzaloiš pidätihe erazvuiččid mastar’ –klassoid , ozutelusid , koncertoid .Festivalin pätegendan oli ühtenzoitta Venäman suomalaiž –ugrilaižiden norišton fol’klorsebroiden sädandradon .Mugoine festival’ abutab heraštoitta ristituiš melentartust suomalaiž –ugrilaižiden rahvahiden kul’turaha da kollektivoile tehta kosketusid toine toižen keskes .Mugoižen festivalin taguiči Karjalan valdkundad voib rohktas nimitada ühten kaikid surembiš suomalaiž –ugrilaižen mirun et nokul’ turižiš keskusišpäi .
Ezmäine festival’ mäni vodel 2015.Muloi sihe ühtniba päazjan kollektivad Petroskoišpäi .Adivoišpäi oli vaiše Mordvan valdkundan üläopišton Gaigi moro –sebr .Necil-žo vodel Suomalaiž –ugrilaižiden rahvahiden kul’turan festivalile tuliba udmurtilaižed sebrad : ned oma fol’klorišt –etnografi ne Čipčirgansebr Iževskaspäi da Kantilena –pajosebr Glazovaspäi .Mordoviaspäi festivalihe ühtni Vaigel’ –art –teatr , a Marii-El –valdkundad eziti Carmis –kargteatr .
Proidnuden voden rindatades festivalin programm tegihe bohatambaks .Ku siloi festival’ mäni vaiše koume päiväd , necil vodel se oli viž päiväd .Paiči ezitusid koncertoil adivod tundištoitihe Petroskoi –lidnanke : oli ekskursijoid Kantelen pert’he , etnografi žehe Karjalan pert' –muzejaha , Karjalan rahvahaližehe kirjištoho , Kižimuzejaha da Pedagogižen opišton rahvahaližen kul’turan muzejaha .Festivalin aigan mäni čomuden konkurs .Siš suomalaiž –ugrilaižed neiččed –üläopenikad erazvuiččiš Venäman agjoišpäi ozutiba ičtaze .Konkurs tehtihe jo videnden kerdan .Sil Karjalad eziti Petroskoin Suomalaiž –ugrilaižen školan pästnik Diana Nikitina .
Festival’ lopihe čomal Galakoncertal , mitte mäni Lapsiden da norišton sädandan pertin surel scenal .Kaik kollektivad saiba diplomid da muštlahjoid , kubkoid , medalid .
Festival’ oli tehtud Venäman Opendamižen ministerstvan , Karjalan valdmehišton da Suomalaižugrilaižiden üläopištoiden abul .
Pidab sanuda sur’ pasib tegijoile neciš čomas lahjas meiden valdkundan eläjile .Ken ei voind putta sille täl vodel , tulgat tulijal .Toivom , miše se linneb völ čomemb da keradab völ enamba kacujid !
Petroskoiš vastsihe heimrahvahad
Veps
New written Veps