Texts
Return to list | edit | delete | Create a new | history | Statistics | ? Help
Uz’ vepsänkeline kirj lapsile
Uz’ vepsänkeline kirj lapsile
Veps
New written Veps
Svetlana
Berdova om tutab Karjalas runoilii da lehtezmez’ .Hän kirjutab runoid da pajatab pajoid niihe .Svetlana Berdovan runoihe om tehtud kaks’ diskad pajoidenke !
Muloi hänel läksi runokirj lapsile .Se starinoičeb babukoiden da seniden keradamižes .Täl vodel nece kirj oli kätud vepsän-ki kel’he .Kändmižen tegi Ol’ga Žukova .Toimitajan om Nina Zaiceva .Kirjale oli anttud Puzuine-nimi .Se tundištoitab lapsid babukoiden da seniden nimidenke , avtor starinoičeb lugijoile , miččed babukad oma södabad , miččed ei olgoi .
Svetlana paksus oleskeleb školiš da pagižeb sigä openikoidenke .Hän homaiči , miše äjad lapsed nügüd’ ei tekoi nimidä babukoiš da eskai nikonz völ ei olnugoi babukoiden da seniden keradamas .
Pidab sanuda , miše Svetlana iče lujas navedib da hüvin mahtab kerata babukoid .Tedoid , miččed hän sai ičeze kazvatajilpäi , hän sirdäb nügüd’ norele sugupol’vele .Svetlana Berdova tarjoičeb lapsile ”lähtta ” hänen kirjan hengidenke čudokahaze babukoiden da seniden keradamižen miruhu .Abutaba neciš azjas lapsile čomad kuvad , miččed tegi kirjan täht Darja Berezina .
Kirj läksi Periodika-paindištos Karjalan rahvahaližen politikan rahatugen abul .
Uz’ vepsänkeline kirj lapsile
Veps
New written Veps