Texts

Return to list | edit | delete | history | ? Help

Lehm kandab

Corpus: Dialectal texts

Central Western Veps

Informant(s): Инякова Прасковья, 1898
recording place: Ладва (Ladv), Podporozhsky District, Leningrad Oblast,

Source: Язык и народ: тексты и комментарии, (2002), p. 76

Lehm kandab
(Veps)

Konz lehm kandab, ez’mäižen kerdan vaiše lüpsad i sehloičed puhthaze blödha, surhe. Paned päčhe. I tegese kuti nižuine pärp. Ez’mäižen maidon kaikuižen kerdan paštamei. Kuz’ päivad lüpstas, potom pezetadas. Minai sizar’ kaika pezeteli, otab vastaižen, kol’caižen, ristan sidob, roudad. Vedhe paneb, i lehmän necen kuti argaitas. Sel’gitab, pezeb, vastaižou pädme kuume kerdad provedib, udarad pezeb čomašti i lüpsab puhthaze. Sil’ peivou kiit’t’as toukunkašad, bibalehen suren liibäd vileb, voidab necil’ kašou i andab lehmäle. Muga necen lehmän argaitas. Kašan magedan kiit’t’as maidos i lehmäle supalan anttas. Potom voib söda maidon, lehm jo argaited. Luzikou ocha lapsid’ anttas, mišto sögat kašad.

- A vazaižen kuna pandas?

- Vazaižen touvuu ka todas pert’he konz tanhuu vilu, a kezou ii. Ühtou voduu oli kaks’ vazad kannu ka pidimei pertiš.