Texts
Return to list | edit | delete | Create a new | history | Statistics | ? Help
Švecova Darja . Ekzamenad oma opakambad, mi hired
Švecova Darja
Ekzamenad oma opakambad, mi hired
Veps
New written Veps
1. päiväl
sulakud , kut i kaik openikad , minun klass tahtoi tehta miččen-ni ilokahan , čudokahan da melentartuižen azjan .Neičukaižed meiden klassas paniba päle mujukahad čuukštanad .Modoihe pirdiba erazvuiččid kuvid da pestrakoid .Kaiken päivän mö iloitelimoiš , vändim , pajatim pajoid .Se oli lujas čudokaz päiv .
Jäl’gmäižel urokal , konz meile jo ei jänd ni üht ilošt mel’veht , ken-se sanui , miše meiden opendai surmahasai varaidab hirid .Mö ladimoiš muga – konz opendai tuleb klassaha , mö ühtes kidastam ”Hir’ !Hir’ !”.
Naku tilline keloti , mö varastim , konz opendai tuleb klassaha .Tarbiž oli nähta opendajan modod , konz hän kulišti i nägišti meid .Opendai teravas saupsi uksen : ”Kus ?Kus ?”.Mäni kaks’ minutad , i hän tarkašti avaiži uksen .Mö nagroim .Sid’ hän el’genzi , miše mö ilostelim .
No meiden opendai mugažo tahtoi anzoita meid .Hän sanui , miše täl vodel kahesandes klassas lapsil mugažo oma ekzamenad .Muhud kadoiba meiden modoišpäi .Ved’ mö olim vaiše kahesandes klassas .Ekzamenad oliba opakambad , mi hired .No konz opendai muhahti , mö el’genzim , miše se oli vaiše iloine .Mö ühtes nagroim i läksim kodihe hüviš meliš .
Ekzamenad oma opakambad, mi hired
Veps
New written Veps