Texts
Return to list | edit | delete | Create a new | history | Statistics | ? Help
Suojärves avattih liikundan da tervehyön keskus
Suojärves avattih liikundan da tervehyön keskus
Livvi
New written Livvic
Tuhukuun 14.päivänny
Karjalan tazavallan endine piämies Aleksandr Hudilainen , Turvalližuon nevvoston sekretarin sijahine Rašid Nurgalijev da Valdivollizen duuman deputuattu Valentina Pivnenko avattih Suojärves uuzi liikundan da tervehyön keskus , kudaman hindu on lähes 76 miljonua rubl’ua .
Uuzi sportukeskus nostettih Liikundan da sportan kehittämine Ven’al vuozinnu 2016-2020-federuallizen programman mugah .Keskuksen yhtehine pinduala on lähes 1500 nellikkömetrii .
– Jälgivuozinnu Suojärven linnu sai äijän lahjua . Minä uskon , ku kai net lujendetah teijän uskuo hyväh tulieh aigah .Ei ammui myö teijänke nostimmo uvven nygyaigazen lämmityskeskuksen .Tämän päivän pido on kogo tazavallan merkittävy pido – liikundan da tervehyön keskuksen avajazet , kudai nostettih ylen lyhyös aijas , kiändyi Suojärven eläjien puoleh Aleksandr Hudilainen .
Rašid Nurgalijev toivotti paikallizile eläjile lykkyy sportan kehittämizeh da hyvii sportusuavutuksii .Dinamo-kluuban da Ven’an lendomiäčyn kižuajien joukkovehen puolespäi Rašin Nurgalijev toi miäččyy da sportusobua lahjakse nuorile sportan suvaiččijoile .
Uvves liikundan da tervehyön keskukses on kolme suurdu zualua : joga kižah pädii kižazualu , voimisteluzualu da gimnastiekkuzualu .Uvves sportukeskukses ruvetah harjoittelemah lapsien sportuškolan opastujat da kaikin , ket tahtotah .
Kerras avajazien jälles uvves sportukeskukses piettih mini-jalgumiäčyn da verkomiäčyn kižoi .
Suojärves avattih liikundan da tervehyön keskus
Livvi
New written Livvic