Texts
Return to list | edit | delete | Create a new | history | Statistics | ? Help
Uljana Tikkanen. Muisselmie Kalevalan muan laulajašta – Ilmi Bogdanovašta
Uljana Tikkanen
Muisselmie Kalevalan muan laulajašta – Ilmi Bogdanovašta
Karelian Proper
New written karelian
Tänä
vuotena 6.pakkaiskuuta kuoli viimeni omien runojen laulaja Ilmi Bogdanova .
Kalevalatalo-etnokult tuurikeškukšešša on Ilmi Bogdanovalla (o .š.Karhu ) omissettu näyttely .Šiinä šäilyy hänen vihkoja , kirjutukšie , valokuvie .Šamoin šiinä on Ilmi Bogdanovan puku ta huonehkaluja .Kalevalatalon vierahat voijah istuo hänen stolašša , hänen skammilla , šelailla hänen vihkoja , kaččuo valokuvie , kumpasie Ilmi iče anto musejoh , kuunnella Ilmin lauluja CD-levyštä .Ilmin lauluista ta runoista voit tiijuššella laulajan elämäštä , Ilmin pereheštä , kyläštä , talošta , kumpasešša hiän šynty , tuatošta ta muamošta , ta šamoin yhteheš niistä ajoista .
Kalevalatalon ruataja Jelena Kartunen kerto miula Ilmi Bogdanovašta :
– Ilmi Kirilän tyttö Karhu šynty Latvajärveššä , runonlaulajien mualla .Hiän äijän muisteli oman muamon lauluja ta šiitä ičeki rupesi šepittämäh lauluja .
Iče Ilmi ei tietän runonlaulajie , vain hänen muamo äijän kerto niistä .Pienenä lapšena Ilmi rupesi kekšimäh lauluja .Hänen lapšuon aikana ei ollun kovin äijän kukkasie eikä kukloja , niijen šijašta käytettih käpyjä , okšie – kaikkie , mitä löyty ympäristöštä .Šamoin lapšet leikittih piirileikkie ta kekšittih runoja .
Ilmi Bogdanovan tuotannošta on julkaistu ainut kirja .Šen julkaisija Petri Niikko kirjan alkušanoissa muistelou , kun kuuli enšimmäistä kertua Ilmin lauluja .Tämä oli Ilmin enšimmäini esiintymini ta še oli hänellä ylen jännittävä .Šen jälkeh oli vielä šatoja esitykšie .Hiän laulo turistiloilla kuin musejošša , šamoin ni omašša koissa .
Ilmin lauluista ta kertomukšista näkyy koko hänen elämän kuva .Šiinä on Latvajärven lapšušaikojen muisselmie , evakko-aikoja , työvuuvvet Uhtuon pol’ničašša .Omašta kyläštä Ilmi pereheh kera läksi pakoh vielä pienenä tyttönä .
– Hiän kirjutti kaikešta , mitä tuli hänen mieleh . Kirjutti omašta elämäštä , mitein vaikie še šilloin oli .Šiitä , mitein hyö käytih mečäššä , tahi kalaštamašša , missä paikašša hyö oltih ta missä hiän laulo omie lauluja , Jelena jatko kertomuštah .
Kalevalan perintehien tutkija Roza Tihonova näki , jotta Ilmi kirjuttau omie runoja ta keräsi niitä .Kolme Ilmin vihkuo hiän anto Petri Niikolla julkaisomakši .Kirjašta löytyy Ilmin , hänen Šulo-miehen ta heijän kahen lapšen valokuvieki .
Kun kuuntelet Ilmin lauluja , mieleh tullah ne talot , ihmiset , ruavot – kaikki , mistä hiän laulo .Iče Ilmi kerto , jotta hiän ei voinun lukie omie vihkoja .Kyynälet aina nouštih šilmih , niin vaikie še häneštä oli .Nyt kaikki tämä Ilmi Bogdanovan kekšimä ainehisto šäilyy musejošša , jotta nuoremmat polvet voitais tutuštuo hänen tuotantoh ta šyventyö hänen lauluihi .
Muisselmie Kalevalan muan laulajašta – Ilmi Bogdanovašta
Karelian Proper
New written karelian
–