Texts
Return to list
| edit | delete | Create a new
| history
| ? Help
Vera Larionova.
Hieruine
Corpus: Poems
New written Livvic
Source: Oma Mua. № 7, (2017), p. 11
Vera Larionova
Hieruine
(Livvi)
Linnas eläi bunukkaine
Died’oinkele pagizi.
Hieruh nähte pikkaraine
Omal died’oil kyzeli.
Sanoi Van’oi:
– Hieru, died’oi, ei ole suuri
– Kuulužaine sanaine.
Minä tahton tiijustua –
Mibo se on – hieruine.
Vastuau omal bunukkazel
Diedöi gostih tulluh:
– Hieru, Van’oi, –
Minun kodi,
Suuri päčči,
Magei piirai,
Kažiine da koiraine.
Tahnuos lehmy,
Kožinos kanat,
Pajattai on kukkine.
Järvi rinnal,
Kalat järves.
Suuri meččy
Hierun tagua,
Päiväine sie maguau.
Kaunis huondeszor’aine,
Nitty kukis kuldaine.
Rahvas hierus vagavat,
Vaigu hyvän tahtojat.
Kezoi kohtu kylyllyö…
Tule, Van’oi, minulluo.
Van’oi sanoi:
– Tulen, died’oi,
Ylen äijäl himoittau.
Juostah vuvvet.
Died’oi vuottau…
