Texts
Return to list | edit | delete | Create a new | history | Statistics | ? Help
P’otr Vasiljev. Marian Blahoveščenijan päiv
P’otr Vasiljev
Marian Blahoveščenijan päiv
Veps
New written Veps
Hän
lujas navedib adivoičetada , sikš pertiš kaiken om praznikaline kobu .Praznikaline il’mišt om Piterin agjan Ladv-küläs .I ei vaiše sikš , miše rahvaz ei unohta Blahoveščenijad da kaikuččel vodel keradase vanhanno Georgijevskajapühäkodinno , mitte 30-vozil oli saubatud da tehtud klubaks .Sikš ku necil päiväl om vepsläižen literatutan klassikan mam Maria Aleksejevna Abramova praznuičeb ičeze 85-vottušt jubilejad da ihastusiš vasttab nenid ristituid , kudambad ühtes hänenke muštaba hänen poigad – runoilijad Nikolai Abramovad .
Maria Aleksejevna kaičeb ičeze muštos kaikuttušt elon palad , kaikuttušt tarbhašt hänen täht sanad muga , kut kaiči tatal Aleksei Petrovič Romanoval lahjoitud paikan .Hän kaičeb mugažo ičeze čomas liphas poimetišid , miččid hänele andoi männuden voz’sadan augotišes hänen mam Aleksandra Timofejevna .Ei pit’kha pereh eli udes sures pertiš , miččen sauvoi Marian ded P’otr Romanov .Pereh kükstihe pertišpäi , a siš tehtihe kirjišt .Kuti rižatihe , miše anastadihe vepsän literaturan ”kätken ”.Völ Maria muštab , kut aigvoččed ristitud topsiba Nikolai Čudotvorcan jumalašt Mäggärves .Voib olda , sikš poigad sid’ hän nimiti Nikolajaks ...Ved’ Marian taguiči sündui da kazvoi vepsän literaturan tegii , kudamb sädi vepsän runotust siloi , konz iče vepsän rahvaz oli läz unohtadud .
Laps’aigal Mariale ei vaiše vägel tarbiž oli lähtta kodiküläspäi , hän muštab , kut tundmatomad rikojad rikoiba hänen tatad , hän kadoti sidon mamanke , kudambad fašistad veiba Latviaha .Ladvan brigadir oigenzi händast nenil opakoil vozil jügedoile radoile .A Maria radoi muga hüvin , miše 16-voččen neiččen oli pauklahjoitud medalil rados , kacmaha sihe , miše oli kulakan tütren .
Hänen mužik mugažo nenil vozil oli pauklahjoitud službal .Hö eliba ühtes läz pol’ voz’sadad , kuni mužik ei kolend vodel 2012.Siš aigaspäi mäni jo läz vittoštkümned vot , no nece kibu ei jäta Maria Aleksejevnad .Se vaiše ližadui uzil mokičusil poigan kolendan jäl’ghe .
Nügüd’ tütär Taisia , vunukad , läheližed da sebranikad holduba hänes .A sündundpäiväl eskai sijaližed valdmehed tuliba hänennoks , miše ozatelda Maria Aleksejevnad da möst pauklahjoita .
Jubilejanke , meiden armaz Maria Aleksejevna !Ližagaha sündundpäivan ilo Teile elon väged da energijad .Elä pit’kha da kaiče ičeiž tervhut , kut kaičed ičeiž rahvahan muštod .
Marian Blahoveščenijan päiv
Veps
New written Veps