Texts
Return to list | edit | delete | Create a new | history | Statistics | ? Help
Valerii Sidorkin. Čudokaz sarnoiden starinoičii
Valerii Sidorkin
Čudokaz sarnoiden starinoičii
Veps
New written Veps
Eli-oli Karjalas
unikaline ristit , kudamb kirjuteli sarnoid .Da ei vaiše zavetnijad sarnoid , a nügüdläižeski elos – i lidnalaižes , i külälaižes .Pagižen Vasilii Firsovan polhe .Pidab sanuda , miše oli hän vepsän maspäi – Vologodčinan Vitegran rajonaspäi .No elo-oza vei händast Petroskoihe , kus hänen sädandrados tedištadihe .
Ved’ zavodi Vasilii kirjutada völ kodimal , kirjuteli lühüdad prozad da starinoid , miččed mülüiba hänen ezmäižihe kirjoihe .No elädes Petroskoiš hän avaiži ičtaze kut čoma kirjutai .Hänes tedištadihe kut unikaližes mahtokahas sarnoiden starinoičijas .Firsovan elon aigan läksi vaiše üks’ hänen kogomuz neniden sarnoidenke .I jo hänen edelaigaižen surman jäl’ghe läksi koume kirjad johtutesidenke Vasilii Firsovan polhe da hänen sarnoidenke .Niid vaumišti Firsovan sebranik taidehpirdai Dmitrii Moskin .Da völ üks’ kirj – sarnoiden starinoičijan sädandradon oppind-vaumišti tetab kirjutai-filosof Jurii Linnik .
Nacein , koume vot tagaze Karjalan Rahvahaližes kirjištos , sen radnikan da mugažo kirjutajan iniciativan Jana Žemoiteliten taguiči oli tehtud Lugemine-projekt .Necil projektal , kut toižiš-ki mugoižiš lugemižiš , tekstan lugijad tundištoitaba kundlijoid nügüdläižiden Petroskoin kirjutajiden uziden kirjoidenke .Vasilii Firsovan sarnoiden mödhe Jana Žemoitelite kirjuti s’urrealistižen draman , andoi sille Om aig kerata kartohkad-nimen .Siš realine elo om segoitadud fantastižehe .Necen draman pani lavale projektan aigan Arkadii Samoilov .
Lugijoiden keskes paiči iče Janad oliba kirjišton radikad , muzikmez’ da opendai Igor’ Solovjov , tetab kaikile vepsläižile runoilii da kirjutai Oleg Mošnikov , Kodima-lehtesen radnik Galina Baburova .
Lugemižen jäl’ghe , kut i kaiken , oli mel’vajehteluz .Pagižiba tetebad Karjalas kirjutajad , lehtmehed , dramaturgad da toižed kundlijad .Ühthižen mel’pidon mödhe , ezituz läksi čomaks .
Mugažo kundlijad jagoihe johtutesil Vasilii Firsovan polhe .Sikš kaik se tegihe hüväks ehtaks lahjakahan sarnoiden starinoičijan muštoks .
Čudokaz sarnoiden starinoičii
Veps
New written Veps