Texts
Return to list | edit | delete | Create a new | history | Statistics | ? Help
Galina Baburova. Tuleb-ik tradicijaha?
Galina Baburova
Tuleb-ik tradicijaha?
Veps
New written Veps
Karjalan
da vepsän kirjutuzkelen päivän , mitte praznuitas 20.sulakud , Karjalan rahvahan sebr jo nelländen kerdan tegi Diktant karjalan kelel-akcijan .Akcijan pätegendan om rahvahan kirjmahton kodvind .
Karjalan pälidnas akcia mäni Petroskoin universitetas .Enamba 70 tahtnikad tuli kodvimaha ičeze mahtoid .Heiden keskes oli opendajid , openikoid , erazvuiččiden sebroiden ühtnikoid , openduz - da kul’turorganizacijoiden radnikoid .Akcijaha ühtenzoitihe Oloncan , Präžan , Suojärven , Louhen da Kalevalan rajonoiden eläjad .Kogonaz enamba 350 mest ühtni diktantan kirjutamižehe .
Petroskoiš tekstoid karjalan kelen livvin , Vauktan meren da lüdilalaižel paginal akcijan ühtnikoile lugiba Suomalaiž-ugrilaižen školan opendai Jelena Pankratjeva , karjalan kelen kursiden opendai Nadežda Mičurova da Istorijan , kelen da literaturan institutan radnik Aleksandra Rodionova .
Mugažo akcijaha ühtniba Karjalan Rahvahaližen politikan ministerstvan da Periodika-paindišton radnikad .Hö kirjutiba diktantad erazvuiččil karjalan kelen paginoil .
Karjalan kelen tundijad kodviba kirjutesid da paniba kaikuččele ühtnikale arvznaman .Mugažo tekstad paindihe Oma mua-karjalankeližes lehteses , miše kaikutte tahtnik voinuiži kodvda ičeze mahtoid kodikelel .
Pidab sanuda , miše kaks’ vot tagaze mugoine diktant mäni Karelia-telenägudesel vepsän-ki kelel .No se ei tond surid satusid , tahtnikoid kirjutada diktantad vepsän kelel oli lujas vähä .Om melentartušt , miše täl vodel vepsläižil-ki sündui taht kodvda ičeze kodikelen tedoid .Koume Šoutjärven vepsän etnografižen muzejan radnikad ühtni akcijaha .Vepsän kelen kursiden openikad-ki Petroskoiš kirjutiba diktantad vepsän kelel .Voib olda , voziden sirttes nece hüvä tradicii vahvištub da kucub enamba ristutuid ičheze .
Tuleb-ik tradicijaha?
Veps
New written Veps