Texts
Return to list | edit | delete | Create a new | history | Statistics | ? Help
Rahvahiden besedad Petroskoin päivkodiš
Rahvahiden besedad Petroskoin päivkodiš
Veps
New written Veps
Sulakun
20.päiväl Petroskoin päivkodiš №120 mäni sur’ fol’kloran praznik .Praznikan nimi oli Rahvahaližed besedad .Besedad keraziba lapsid Petroskoin nelläs openduzsijaspäi : päivkodišpäi №120 , 127, 103 da školaspäi № 35.Kaik ned openduzsijad oma Perevalkan rajonas .
Praznik mäni lujas čomin .Vanhembad lapsed da heiden opendajad ozutiba erazvuiččiden rahvahiden veroid , tradicijoid , sobid , pajoid da karguid .Neniden rahvahiden keskes oliba karjalaižed , vepsläižed , pomorad , nencad , saamelaižed , komilaižed da venänikad .Voib sanuda , miše kaik nened rahvahad eläba Venäman Pohjoiž-päivlaskman poles .
Tehta mugoižid vastusid päivkodin opendajad zavodiba vodel 2004.Kaikuččen voden hö starinoičeba lapsile , miččed lidnad , agjad da rahvahad oma Venämal .Hö tundištoitaba lapsid erazvuiččiden rahvahidenke , sanuba heiden tradicijoiden da kul’turan polhe .Hö opendaba navedimha lapsid ičeze kodimad .
Mugoižel surel festivalil , mitte oli tehtud Petroskoin päivkodiš № 120, lapsed ozutiba kaikid ičeze tedoid Venäman igähižiden rahvahiden polhe .Hö ičeze sil’mil nägištiba , mitte čoma da bohat om heiden kodima .
Rahvahiden besedad Petroskoin päivkodiš
Veps
New written Veps