Texts
Return to list | edit | delete | Create a new | history | Statistics | ? Help
Voden parahim kirj
Voden parahim kirj
Veps
New written Veps
Naku
udes mäni voz’ .Petroskoiš möst mäni Voden kirj-konkurs , miččel valitihe männuden voden parahimad kirjad vides nominacijas .Pauklahjoičend mäni Karjalan Rahvahaližes kirjištos .
Edel konkursan ühthevedoid Karjalan pälidnas tehtihe kirjoiden ozuteluz , miše kaikutte tahtnik voinuiži tundištadas kirjoidenke da änestada parahimas .Sid’ žurijouk valiči konkursan laureatoid da vägestajid .
Žurijoukuhu mülüi paindištradon da poligrafijan tundijoid , kirjmöndan radnikoid , taidehpirdajid , kirjutajid , lehtezmehid , kirjištoiden radnikoid .Arvostadihe kirjad paindišton ladus , čomenzoituses , melentartuižes da čomas südäimištos .Kogonaz 2016.vodel Karjalas oli paindud 548 kirjad da brošürad , niiden keskes om karjalaižiden kirjutajiden čomaliteratur da kodiröunan oppindkirjoid , kirjoid lapsile , openduz-da tedoliteratur .
Kut kaiken-ki Periodikapaindišt ühtni neche konkursaha , sen kirjad vägestiba kahtes nominacijas : ”Parahim kirj lapsile da norištole ” – Veniamin Slepkovan ”Šokoladman endevanh legend prihas , mitte ei navedind söda šokoladad ”, ”Parahim kirj karjalan , vepsän da suomen kelel ” – ”Sur’ karjala-venälaine vajehnik (karjalan kelen livvin pagin )” da ”Venä-karjalaine vajehnik (karjalan kelen Vauktan meren pagin )”.
Voden kirjaks oli nimitadud Marat Tarasovan da Jurii Šleikinan ”Veran poig : Robert Roždestvenskii da Karjala ”, mitte vägesti mugažo Parahim čomaliteraturan kirj-nominacijas .
Voden parahim kirj
Veps
New written Veps