Texts
Return to list | edit | delete | Create a new | history | Statistics | ? Help
Uz’ Periodikan pämez’ om jo tartnu radho
Uz’ Periodikan pämez’ om jo tartnu radho
Veps
New written Veps
24. kezakud
Natalia Sinickaja tegihe Periodikapaindišton pämeheks .Nece karjalaine naine om sündnu Ladva küläs .1994 vodel opetes Baltianmerensuomalaižen filologijan fakul’tetal hän zavodi rata toimitajan Oma mua-lugendlehtesen toimištos . Hän radoi muga napernas da tarkas , miše jo vodel 2006 tegihe lugendlehtesen pätoimitajaks .
Rates Periodika-paindištos Natalia čomin ozuti ičtaze , kut hüvä karjalan kelen da kul’turan tundii , kaiken kehitoittes ičeze mahtoid hän sai hüvän sädaisebran johtajan mahtišton , kaiči da kehitoiti Karjalan rahvahališt joukvestištod , sai lugijoiden da ühthižradnikoiden avtoritetan .
Paiči necidä hän oli Karjalan rahvahan sebran pämehen , nece rad abuti tehta Oma mua-toimištospäi keskusen , miččehe kerazihe kaik , kenele ei ole üks’kaik karjalan rahvahan elo da kel’ .
Völ Natalia Sinickaja om Venäman kirjutajiden sebran ühtnik , vodel 2008 läksi eloho hänen ezmäine ”Inäine ”-taidehkirj karjalan kelel .Vodel 2010 se tuli Laps’kirjan rahvazkeskeižen nevondišton lugetišehe .
Natalia Anatoljevna om Karjalan karjalaižiden , vepsläižiden da suomalaižiden Nevondišton , Karjalan termišt-orfografižen komissijan , GIA – komissijan ühtnik .Siš ei ole kaik hänen arvtegod , hän tegeb suren panendan rahvahan literaturan kehitoitandaha , hän om Venäman rahvahiden literaturoiden tugen programman ühtnik-ki .
Natalia om valitud Novaja Vilgan deputataks .Hän om tetab Karjalas kut ristit , kudamb holdub karjalan rahvahan kul’turan da tradicijoiden kehitoitandan da kaičendan problemoiš .Hän mugažo tugedab ičeze rahvahan kul’turad ičeze perehes-ki kazvatades koume last .
Uz’ Periodikan pämez’ om jo tartnu radho
Veps
New written Veps