Texts
Return to list | edit | delete | Create a new | history | Statistics | ? Help
"D’evätnatsatoil vuvvel..."
"D’evätnatsatoil vuvvel..."
Livvi
Kotkozero
D’evatnatsatoil
vuvvel sinä , kuwluw , pahal položeniel olettelit ?
Hüvä ku vie hengih jäit .
Minä gi silloi jäin hengih , a muite oli kaikkie !
Silloi vet’ minun bratanua tapettih , buat’koidu tapettih da muidu vie kolme –n’elli hengie .
Konzu tuldih b’ieloit , ga juwri kerras ei koskiettu nikedä .
Dai äijät muit ištuimmo kodiloi müö , vai valgožil silmih ei puwttuo .
Kerran ištuin koiš da midä liennen čopotin ruavoin (silloi minä jo elin buat’koin koiš , kuz nügöi gi el’än ).
Pertih tuli oficieru da viiži saldattua .
Oficieru kaččow bumuagah dai küzüw minul : "Sinä go olet Ivan Mihailovič Molokov ?"
Küzüi ven’akse (ven’akse pagiži hüvin , juwri puhtahasti ).
Minä vastain : "En ole Molokov , häi vaste kunne liennow punaldannuheze , kus tahto täz on kodimual , loitokse ei mennüh ".
Häi küzüw : "A sinä ken bo olet ?"
Minä sanoin : "Zaicev Mihail Al’eksejevič ".
Häi küzüw : "Zaicev Nikolai on go sinun velli ?"
"Velli on ".
Häi küzüw : "A kuz bo vel’l’es el’äw ?"
Minä rubein sanelemah : "Pidäw nengai nenga mennä , häi eläw nečis talois ".
Häi sanow : "Olgah , mene vai vietä nämii moloččoi hänel’l’üö ".
Minul oldih kuatančat jallas , rubein panemah suappailoi (pihal oli märgü da liga ).
Silkeskie pertih tuli buat’koi .
Hänel küzüw : "Sinä go olet Molokov ?"
Minä tahtoin vie kuwnella , midä moštu paginua on oficieral buat’koin kel’e , ga minule sanow : "Mene , mene teriämbi vietä miehii ".
Minun kel l’ähtiettih kolmei , a pertih jäi kaksi saldattua da oficieru .
Nu minä vietiin saldattoi bratanalluo .
Nouzimmo pertih , a händü ewle koiš , dai kodilažet ei tietä , kunna häi l’ähti .
Küzün saldatoil : "Voin go minä lähtie iäre ?"
Ei sanota nimid’ä .
Küzün toižen kerran – nimidä ei virketä , küzün ven’akse – ni midä .
Duwmaičen – vikse ollah umbisuomikoit , ei el’l’endetä minun paginua .
Rubein duwmaiččemah da mustottelemah , kui nügöi oliš küzüö .
Juohtui miel’eh , hüö sanotah "Tagažin !"
Siit küzüin : "Suaw go minule mennä tagažin ?"
Üksi viippai käil’ , minä lähtin kodih .
Tulin omale pihale , kačon , puwloil’ ištutah buat’koi , Vas’a Anisimov da vie kahtei .
Minä matkuan kohti heih , küzün : "Midä bo tüö täs pihal ištutto , etto mene pertih ?"
A siit minule kirrattih : "Ei sua heil’l’üö mennä !"
Kačahtiimoh : ga seiniä vaste seižotah kaksi saldattua vintowfkoin kel .
Ezmäi minä heidü en ni dogadinnuh .
Eistüin tajembi .
Duwmaičen : "Ei täs olla hüvät dielot !"
Vas’a sanow minule : "Tuo , velli , minule midä gi piäle , pindžakkolois vilu on täs ištuo ".
Nu minä kävüin heil’e , toin tužurkan , annoin Vas’ale , a iče nowzin pertih da kačon ikkunas , duwmaičen : "Midä nügöi täs roinnow ?"
Pahua vie nimidä en smiettinüh , a vačču särižöw , midä ollow varavo : mikse rahvastu kerätäh ühteh sijah , da ei kaikkii , a zapiskua müö ?
Kedä vie sie zapiskas on ?
Ei häi hüö iče tietä , heil’e ken tahto on n’evvonuh .
Ken n’evvoi ?
Ištuin muga ikkunalluo vägi kodvan .
Tuli pihale vie saldattua kuspäi liennow .
Puwloil’ ištujoil käskiettih nosta , üksi saldattu l’ähti ielpäi , toižet bokis da jäl’l’elpäi , meijän mužikat keskes – l’ähtiettih pitkin hieruw Čogan ristah päi .
Kodvan proidihuw Čogan ristaspäi pamahtih zalpu , a vie kodvan peräs saldatat gi tuldih järilleh hieruh , meijän miehii ewlluh .
Nu , duwmaičen : tapettih .
Muga oli gi !
Viettih heidü Čogan ristassah , da kangahan rannal ammuttih , da sih i havvattih .
Duwmaičen : kuz ollow minun bratan ?
Häi ved oli piit’erčü , hätken eli Piit’eris , tiä oli jo kommunistannu .
Müö hänen kel puaksuh pagižiimmo , miittuine meil’ roih ielpäi elaigu , kui ruveta kohendamah da kai .
Äijü oli meil’ paginua , da hüviä paginua ...
Kuz on nügöi häi , kunna meni , kui andua hänele viesti , gu kodih ei tuliš ?
Ved’ händü koiš sie jo vuotetah !
En tiije , midä ruadua , kunna mennä , nimidä en voi , moine on zobottu .
Liiku vai pihale – ruvetah kaččomah , kunna menet , tartutah küzel’emäh da kai ...
Velli tuli kodih vai üöl , päivän kaiken kuz liennow mečäs käveli .
Kodih tulduw kerras otettih kiini , vietettih Čogan ristah kangahal ammuttih da sih muah gi pandih , toižien luo .
Muga minä händü enämbiä ni nähnün en .
"D’evätnatsatoil vuvvel..."
Livvi
Kotkozero
«В девятнадцатом году...»
Russian
«