Texts
Return to list | edit | delete | Create a new | history | Statistics | ? Help
Maria Filatova. Tärktoiš azjoiš Gosdumas
Maria Filatova
Tärktoiš azjoiš Gosdumas
Veps
New written Veps
11. tal’vkud
Gosdumas oli vedetud seminar , kus oli sanutud azj , mitte om tärged vähäluguižiden rahvahiden täht .
Gosduman rahvahaližiden azjoiden komitetan ohjandai Grigorii Ledkov sanui , miše Karjalas ezmäižen kerdan linneb tehtud Pohjoižen vähäluguižiden igähižiden rahvahiden lugetiž .Deputatan sanoiden mödhe , nece rad linneb tehtud tulnudes 2018.vodes .Sen jäl’ghe , mugoine-žo rad , voib olda , linneb tehtud toižiš-ki Venäman regionoiš .
Habarovskan agjan londusen ministerstvan ekonomikan erišton pämez’ Galina Volkova sanui , miše ilma necitä lugetišeta ei ole sel’ged , ken voib tehta da ohjata obščinoid , miččid paksus tehleba Pohjoižen igähižiden vähäluguižiden rahvahiden ezitajad .Hän sanui , miše päproblem om siš , miše Venäman äjad elä-jad iče tegeba obščinoid da ohjandaba niid .
Rejestraha linneb kirjutadud kaik rahvahad , kudambad eläba tradicionaližiš elosijoiš da tegeba tradicionališt radod .
Kaik-se erased igähižiden vähäluguižiden rahvahiden ezitajad ei hökkahtagoi tehta necidä rejestrad .Hö lugeba , miše mugoine azj väheneb da murendab vähäluguižiden rahvahiden oiktusid , telustab rahvahiden sebrale .
Seminaral radoiba vepsläižed-ki aktivistad – tedomez’ Zinaida Strogalščikova da nügüdläine Vepsän kul’tursebran pämez’ Natalja Silakova .Nataljan meliden mödhe , ku rejestr linneb tehtud , ka nece voib abutada vepsläižile sada l’gotoid .«Nügüd’ , miše vepsläižele sada , ozutesikš , l’gotoid kalatesen vai mectusen täht , hänele pidab kerata äi dokumentoid da sudas päliči todištada , miše hän om vepsläine , vähäluguižen rahvahan ezitai . Necil rejestral oliži juridine vägi i se voiži abutada vepsläižile kebnemba todištada ičeze rahvahut ».
Tärktoiš azjoiš Gosdumas
Veps
New written Veps