VepKar :: Texts

Texts

Return to list | edit | delete | Create a new | history | Statistics | ? Help

Sünduman aig

Sünduman aig

Veps
New written Veps
23. tal’vkud Karjalan Rahvahaližes muzejas mäni loštai da melentartuine Uden VodenRaštvoiden korob-ozutez. Se om omištadud erazvuiččile suomalaiž-ugrilaižiden da slavilaižiden rahvahiden Raštvoiden praznuičendan tradicijoile. Raštvoiden korob” – nece om jogavozne Petroskoin konservatorijanIstoki-fol’klorižen ansambl’an sädaiprojekt (ohjandai om Svetlana Nikolajevasuomalaiž-ugrilaižiden rahvahiden muzikan kafedran docent, Karjalan arvostadud taidehtegii). Täl vodel Rahvahaližen muzejan ühtes kaikid čomembiš zaloišpäi ezini koume kollektivad. Istoki-fol’klorine ansambl’ eziti kacujile kaks’ teatrozutelust – "Raštvad Pskovan mal" da "Vepsläine sünduman besed". Kacujad tundištihe kol’adan veroihe, kundliba lävän da Pakaižen puhegid, openzihe norišton vändoihe, tegiba horovodoid da tedištiba sünduman arboindoiš.
Kiži-muzejan Lapsiden fol’klorstudii lahjoiči kacujile voimusen čuklahtada pomoroiden sünduman il’maha Raštvoiden veroidenke, kus ozuti ilokahan härgan vedändad da hebon möndad. Petroskoin taidehškolanVesläžedlapsiden fol’kloransambl’ omišti ičeze programman karjalaižile Raštvoile. Lapsiden starinad Sündü-sünduman hengen polhe, endevanhoiš da nügüdläižiš tradicijoiš, pajod, vändod da kargud avaiži kacujile Karjalan Raštvoiden praznuičendan erazvuiččid polid.