VepKar :: Texts

Texts

Return to list | edit | delete | Create a new | history | Statistics | ? Help

L’udmila Aleksejeva. Olem ühtes 15 vot

L’udmila Aleksejeva

Olem ühtes 15 vot

Veps
New written Veps
MeidenRandaine”- sebrale necil vodel täudui vižtoštkümne vot. Sebras oma tutabad meile ristitud. surel tahtol kävuba pajatamha pajoid, kaikil om taht tehta midä-ni vepsän kelen da kul’turan hüvüdeks, nece ühtenzoitab meid.
Keväz’kud 26. päiväl kerazimoiš Petroskoin Rahvahaližiden kul’turiden keskusehe ozatelmaha meiden jubil’aroid. Kerazim čoman stolan, paštoim vepsän kalitoid da pirgoid. Čajud jomas sanuim lämid sanoid toine toižele. Keväz’kus meidenRandaine-sebras oli völ kaks’ sündundpäiväd (jubilejad): Faina Nikolajevna Kozloval da Svetlana Jakovlevna Pl’uhinal. Kaik vižtoštkümne vot Svetlana pajatab meidenke. Hän kaiken om holiš meiš, abutab meile kaikiš azjoiš. Svetlana da Faina oma lujas avonaižed da südäimeližed naižed. Jurii Mihailovič Mugačev lahjoiči naižile kaks’ pajod: Fainale lahjoičiŠoutjärven öd” (muzik om A. Lihanovan, sanadR. Takalan), toiženSvetlanaleMinä lendaižin” (sanad oma N. Zaicevan, muzikJ. Mugačev).
Randaine toivotab kaikile ičeze pajanikoile tervhut, ozad, pit’käd igäd, lapsiden da vunukoiden armastust da lahjoičeba čoman runon:
Päiväižespailämäd!

Rahvhaspäipehmdust!
Sebranikoišpäiuskondad!
Ozad enambad!
Elod pit’kembad!
Norut igähišt!
Lämäd südäimišt!