Texts
Return to list
| edit | delete | Create a new
| history
| Statistics
| ? Help
Natalja Frolova.
Mielužu kamin-päčči
Source:
Oma Mua. № 9, 2017, p. 12
Natalja Frolova
Mielužu kamin-päčči
Livvi
New written Livvic
Nygyaigazes elaijas on äijy mahtuo, ga ei kaikkie sua todevuttua. Sanommo, tavallizes linnan fatieras ei sua luadie tovellistu kylyy, nigo srojie tovellistu hallol lämmitettäviä kaminua.
Midä ruadua, ku ylen äijäl himoittau luadie kamin? Suau luadie kamin suures pahvivakkazes.
Erähänny lebopiänny enne Uuttu vuottu minä luajin ičele pahvikaminan. Kaminah nähte minä otin kolme pahvivakkastu. Suurin vakkaine on iče kamin, pienembi vakkaine – kaminan ”tulipezä”, a kolmandes vakkazes minä luajin ”kirpiččöi”. Suures vakkazes minä leikain loukon da panin ”tulipezän”. Sit minä kleičin ”kirpičat” kaminale kodajälletykses. Konzu klei kuivi, minä mualain kaminan valgiekse. Kaminah minä kiinnitin sukan lahjoih niškoi, ”tulipezäh” panin girl’andan. Kaminu rodih hyvänny uvven vuvven čomenduksennu!