Texts
Return to list | edit | delete | Create a new | history | Statistics | ? Help
Valdivovallan lujoindamizekse
Valdivovallan lujoindamizekse
Livvi
New written Livvic
Ven’an
Duumu ei hyväksynnyh zakonanprojektua , kuduan mugah virguniekoile da valdivoherroile pandas štruafuu rahvahien sanal satatukses .Zakonanprojektan sellitykses on kirjutettu , ku Ven’an zakonoin mugah nikui ei sua kurittua valdivoherroi da virguniekkoi , ku hyö kirotanneh rahvahii , pahoi paistah heijän kel .Yhtelläh moizet virguniekat luajitah suurdu pahuttu kogo vallale , valdivole , ku zakonua rikkou valdivoherru , virguniekku .
Zakonanprojektah oli kirjutettu , ku moizii virguniekkoi da valdivoherroi , kuduat kiroillahes , pahoi paistah rahvahien kel , vois kurittua štruaful , kuduan suurus olis 40 tuhattu rubl’ua libo olis heijän palkan suurus .Kurituksekse oli kehoitettu vältämättömät ruavot – 360 čuassuu libo vuvven aijan “kurittoman ” virguniekan ruatutandu .
Zakonanprojektan Ven’an Duumah kehoitettih Karjalan Zakonanhyväksyndykerähmön deputuatat .Heijän mieles tämä zakonu auttas kurittua virguniekkoi da lujendas valdivovaldua .Yhtelläh Moskovas ruadajat Ven’an Duuman deputuatat sidä kehoitustu ei hyväksytty .
Valdivovallan lujoindamizekse
Livvi
New written Livvic