Texts
Return to list | edit | delete | Create a new | history | Statistics | ? Help
Nuori šukupolvi kanšalliskielien puolešta
Nuori šukupolvi kanšalliskielien puolešta
Karelian Proper
New written karelian
Karjalan
alovehellini Aunukšen karjalaiset -kanšalaisjärještö ta Periodika-kuštantamo on ilmotettu tašavallan karjalan , vepšän ta šuomen kielen tietäjien kilpailu Myö olemma KARJALA (KareliJA – eto MI ).
Kilpailu pietäh Šuomelais-ugrilaisen nuorison Karjalan nuoruš -festivalin toimehpitehien rajoissa .Kilpailuh voijah yhtyö 14–30 -vuotiset Karjalan eläjät : tašavallan koululaiset ta studentit , kumpaset opaššutah karjalan , vepšän ta šuomen kieltä oppilaitokšissa tahi iččenäisešti , kanšalliskielisien lehtien nuoret tiluajat ta kielikurššien opaštujat .
Kilpailušša on viisi nominatijuo :
– Karjalan kielen ta kulttuurin tietäjä (livvin murreh ),
– Karjalan kielen ta kulttuurin tietäjä (vienan murreh ),
– Karjalan kielen ta kulttuurin tietäjä (lyydin murreh ),
– Vepšän kielen ta kulttuurin tietäjä ,
– Šuomen kielen ta kulttuurin tietäjä .
Kilpailu on testimuotoni .Joka testissä on kyšymykšie karjalaisien , vepšäläisien ta šuomelaisien istorijašta , etnografijašta ta kulttuurista šekä kieliopillisie tehtävie .Testit on šijotettu internetissä Google Forma -palvelulla .Joka nominatijolla on oma viiteh ta kilpailun ošallistuja piäšöy täyttämäh testie valitun nominatijon viittehen kautti .
Šen jälkeh kun kilpailun ošallistuja täyttäy testin , hänen on täytettävä kyšelylista , kumpaseh pitäy laittua šeuruavat tiijot : nimi ta šukunimi , ikä , kotiatressi , šähköpošti , telefoninumero šekä antua lupa henkilökohtasien tietojen käsittelyh .
Kilpailu-aika keštäy 15.kevätkuuta – 30.šulakuuta 2017.Šen jälkeh 1.–20.oraškuuta arvoštelijat kačotah kilpailutöitä ta valitah voittajat joka nominatijošša .
Voittajat šuahah lahjat ta diplomit .Kilpailun tulokšien ilmottamini ta voittajien palkintoseremonija pietäh Aunukšešša Karjalan tašavallan päivänä 10.kešäkuuta 2017.
Nuori šukupolvi kanšalliskielien puolešta
Karelian Proper
New written karelian
–
–
–
–
–