Texts
Return to list | edit | delete | Create a new | history | Statistics | ? Help
Ol’ga Dubitskaja. Valliče iče paras kniigu
Ol’ga Dubitskaja
Valliče iče paras kniigu
Livvi
New written Livvic
Karjalan
tazavallan Kanzallizes kirjastos 13.kevätkuudu piettih Karjalan tazavallan vuvven 2016 kniigu -ozuttelun avajazet .Tämä ozuttelu pani rattahile jogavuodizen Vuvven kniigu -kilvan .Pidäy mainita , ku se on jo 17.ozuttelu .Ozuttelus on kniigua , kniigastu , nouttua .Kilvas ollah kniigat , kuduat piästih ilmoih Karjalas vuvvennu 2016.
Kaikkiedah ozuttelus on 15 julguamon 548 painostu .Paiči sidä on kniigua , kudualois julguamo ei ole merkitty .Niilöin joukos on kodialovehellistu , tuotandollistu da opastusliteratuurua , karjalazien kirjuttajien kniigua , kniigua lapsih niškoi , literatuurua kanzallizil kielil .
Ozuttelus kaikis enimäl on Petroskoin valdivonyliopiston julguamon kniigua .Ongi ozuttelus Periodika-julguamon kniigua .
Kilvas on moizet nominatsiet : “Paras kniigu karjalan , vepsän libo suomen kielel ”, “Paras taidočomendamine da poligruafija ”, “Paras kniigu lapsih da nuorižoh niškoi ”, “Paras opastandukniigu ”, “Paras taido - da lehtikirjutuskniigu ”.Kniigu , kudai suau enämbän palkinduo eri nominatsies , rodieu Karjalan tazavallan vuvven 2016 kniigakse .
Valliččemah parastu kniigua rubieu ekspertujoukko .Jogahine voi tulla kirjastoh kaččomah , kui ruadau ekspertujoukko .
Erähät rahvas jo iänestettih kniigoin puoles , kuduat , heijän mieles , ollah parahat .Sanommo , Karjalan tazavallan lapsien kirjaston ruadai sanoi , ku on vallinnuh Igor’ Vostr’akovan kniigan “Se sanaluokku , kudai pakui päčispäi ” (Ta čast’ reči , kotoraja upala s peči ”) sendäh , ku hänen mieles tämä kniigu on mieldykiinnittäi da čoma .
– Olen lugenuh tädä kniigua vie käzikirjutuksennu . Se miellytti minuu da lapsetgi suvaijah tädä kniigua , sanou naine .
Vie eräs kniigu “Pieni suovattu ”, kuduan kirjuttajannu on Irina Nikitina , lugijoin mieles on favoritannu .Täyzi-igähizile on omistettu Mihail Gol’denbergan kniigu “Petroskoi – voinan kunnivolinnu ” da Konstantin Gnetnevan “Karjalaine golgofu : kui srojittih Valgien meren kanualu ”.
Kilvan hantuzis pietäh vastavuksii karjalazien kirjuttajien kel : Jurii Šleikinan , Konstantin Gnetnevan , Jelena Pietiläzen , Andrei Tsunskoin kel .Čitka-projektah yhtynyöt ozutetah Vasilii Firsovan tevoksen pohjale luajittu spektakli .
Vuvven 2016 kniigu -ozuttelu rubieu ruadamah kevätkuun 26.päivässäh .
Kaččuo , mittuzet kniigat ollah tänävuon kilvas da vallita paras kniigu suau Kanzallizen kirjaston saital http ://library .karelia .ru/
Kilvan voittajat ilmoitetah 21.sulakuudu Kanzallizes kirjastos Kirjastoloin yö -pivos .
Valliče iče paras kniigu
Livvi
New written Livvic