Texts
Return to list | edit | delete | Create a new | history | Statistics | ? Help
Anni Vlasova. Kalevalan päivällä Kuusamošša
Anni Vlasova
Kalevalan päivällä Kuusamošša
Karelian Proper
New written karelian
Kuusamo-Viena -šeura toimiu aktiviisešti ta
šiih yhtyy pakolaisien jälkiläisie ta niitä , ket kannatetah heijän toimintua karjalan kulttuurin hyväkši .
Meijän kyläštä Kuusamoh ei ole pitkä matka .Nykyjäh monet ihmiset helpošti käyväh rajan toisella puolella kaupoissa ta kylpylöissä .Myöki , karjalaiset , mielellänä käymmä kielišukulaisien luo , otamma käyttöh heijän hyvie tapoja .Esimerkiksi , miellyttäy , jotta Šuomešša on šemmosie päivie , ei lepopäivie , ka kuitenki ne kuulutah valtijon pruasniekkoih , konša jokahini voit noštua valtijon lipun oman talon piällä .Yksi šemmosista päivistä on Kalevalan päivä , še on Šuomen kirjallisuon päivä .Šitä pietäh juštih 28.tuiskukuuta .
Tälläki kertua Piäjärven ”Vienan Virran ” etuštajat oli kučuttu yhtehiseh juhlah .Arkipäivänä löyty kuitenki vapaita ihmisie , mielellänä tulima ta näkeytymä šielä monien Kuusamo-Viena -šeuran jäšenien kera , kumpaset kahenkymmenen vuuvven aikana on tultu meijän hyviksi tuttaviksi .
Tämä šeura toimiu aktiivisešti ta šiih yhtyy pakolaisien jälkiläisie ta niitä , ket kannatetah heijän toimintua karjalan kulttuurin hyväkši .Hyö otetah šuurta ošua , esimerkiksi , Tie Vienah -simposiumin järještämiseh , kumpaista pietäh Kuusamošša joka toisen vuuvven piäštä elokuušša .Louhen piirin karjalaiset aina yhytäh šiih kulttuuritapahtumah .
Runoja , lauluja ta mukavie esitykšie
Kuusamo-Viena -šeuran johtaja Martti Määttälä avasi pruasniekkaohjelman ta kučču kaikkie laulamah muutomie karjalaisie lauluja .Kuuntelima runoja karjalan kielellä Raili Tyynelän esitykšellä , myöki lukima karjalankielisie runoja .Mie luvin Valentina Saburovan , Elvira Akimova – Anna Usovan , ta karjalan kielen kurššilaini Galina Ivačeva – Nina Arhipovan runoja .Lisäkši mie kerroin karjalan kielen tilantehešta Karjalašša ta Louhen piirissä .
Saara Homanen esitti vanhan košton , mi oli ommeltu 100 vuotta takaperin .Tämä košto oli šattumalla löyvetty jo kuolluon Alli Kaukoniemen lakašta .Irma Leinonen oli šuanun košton kuntoh ta nyt voit tuttavuššuttua ihmisie vanhoih ompelutavoih ta kankahih .
Mielellänä kuuntelima Ulla Kaakisen kertomušta hänen harvinaisešta harraššukšešta ta kaččoma kulta - ta šulkkulankoilla virkattuja ikonija .Oli vielä mukava kuunnella Kyllikki Riekin ta Maija Korpelan esityštä .
Ohjelman lopušša oltih arpajaiset .Tämän tavan myöki olemma ottan käyttöh , näin šuamma lisyä tuloja yhteiskunnalliseh ruatoh .Kostitettih meitä i čäijyllä piirakkojen ta voileipien kera .Juuri kerkisimä rajalla , hyvä kun luottima meijän šohverih Leonid Kuranovih .
Terveh tulla meilä
šanomma passipot hyväštä vaštahotošta ta toivomma , jotta tämmöni hyövyllini yhteistyö karjalan kulttuurin hyväkši jatkuu .Šeuruavalla kertua myö šuunnitelemma yhteistapuamisen meilä Piäjärveššä , konša Kalevalan marafonin puittehissa 19.kevätkuuta järješšämmä Karjalaisen kulttuurin pruasniekan .Vuotamma vierahiksi Kalevalan laulujoukkuo , terveh tulla !
Kalevalan päivällä Kuusamošša
Karelian Proper
New written karelian