Texts
Return to list | edit | delete | Create a new | history | Statistics | ? Help
Tatjana Torvinen. Eläkeläiset hiihtosel’l’alla
Tatjana Torvinen
Eläkeläiset hiihtosel’l’alla
Karelian Proper
New written karelian
III Eläkeläisien
talvispartakia - di piettih Petroskoissa
Kaunehena pakkaispäivänä 6.kevätkuuta Petroskoin Kurgan-urheilukeškukšešša keräyty yli šata ijäkäštä hiihtourheilun harraštajua ympäri Karjalašta .Kilpailuja piettih kahteh jakšoh – kilpahiihot naisien ta miehien kešen šekä šekaviestihiihto .Urheilupruasniekan tulokšet jätettih tyytyväisiksi kuin tapahtuman järještäjie , šamoin ni ošallistujie .
Karjalan eläkeläiset jo kolmatta kertua tavatah talvispartakiadilla .Vuotena 2015 Venäjän Eläkehfondin Karjalan ošašton johtaja Nikolai Levin oli ehottan järještyä tašavallan urheilupruasniekka vanhemman polven ihmisillä .Tämä ajatuš šai kannatušta Karjalan nuoriso - ta urheiluministerijön , alovehellisen järještön Venäjän Pohjoiskellot -eläkeläisliiton ta hiihtourheiluliiton puolešta .
Tämänvuotiseh spartakiadih yhty urheilijie Karjalan kaikista piirilöistä , vain hiihtourheilun harraštajat Lahenpohjašta ei piäšty tulomah .Perintehen mukah , joka joukkoh kuulu nellä henkie , niijen kešen oli 60-vuotisie ta šitä vanhempie miehie šekä 55-vuotisie ta šitä vanhempie naisie .
Miehet mitailtih voimieh kahen kilometrin kilpahiihošša ta naiset kilpailtih yhen kilometrin kilpahiihošša .Toisena jakšona oli šekaviestihiihto .
Miehien kešen parahana oli Juri Mišin Pitkärannašta , toisella šijalla piäsi Vladimir Kondratjev Petroskoista ta kolmannella šijalla – Aleksandr L’angin Petroskoista .
Naisien kilpahiihošša voitti Larisa Prošenko Puudožista , toisen šijan šai Nina Koloskova Petroskoista ta kolmannella šijalla piäsi Valentina Manilova Koštamukšešta .
Viestihiihošša paraš oli joukko №1 Petroskoista , toisen šijan voitti Koštamukšen joukko ta kolmannen – Kontupohjan joukko .
Kilpailujen voittajat oli šuatu mitalit ta diplomit Karjalan urheiluministerijöltä šekä lahjat Venäjän Eläkehfondin Karjalan ošaštolta .III talvispartakiadin sponsoriloina oltih Lenta -, Slavmo -, Lotos-kauppaholdingi-yritykšet .
Eläkeläiset hiihtosel’l’alla
Karelian Proper
New written karelian