Texts
Return to list | edit | delete | Create a new | history | Statistics | ? Help
Kut koljan maha pandas
Kut koljan maha pandas
Veps
Central Western Veps
Koleb
ristit , pezetadas , groban tehtas .Ez’mäi pandas jumoučogha , veretadas loučha .Sutkad pidetas , sid’ narod tuleb , išttas ehtan .Toižou päivou maha vedas , pagastaha vedas , masijan kaidas , sihe karha pandas .Pap’ konz om ka pajatab , konz ele ka jälgil’päi pajatab .Min’ä ani sigä pagastou elin' .Tatam ol’ storožan , a min’ä hänen tütar , neičukaine .Erašti sutkad siičemed kalidoras ištub nece pokoinik .Keradasoi viž dei kuz’ pokoinikad , papid' ele .Sid’ lopuil’ pap’ tuleb dei hänen kreptäs maha , pap’ pajatab .Ved’ siloi veruimei ka , em tuukuind nimidä .Pandas , voiktas sid’ roditel’ad , tütred dei poigad , mušttas .Kodiš voiketas ehtou dei homencou sattes .Vödas koumale .Koumou päl voiktas , ani iče min’ä voikin’ , mamam koli , tatam koli .Minä jäin’ koumestoštkümnes vodes .Muštan voikud , johtub mel’he , ka emboi sanuda .Voiktas (tatas ): «Kalliž kazvatajaižem , sötai tatoihudem , jätid mindai jo aigalaz i norelaz malorannijaks sirotinaks beznad’ožnijaks , i tuukitamaks i rehtitabaks .Kutak mini linneb eläda , üks’-ühtelein’ , üks’-üks’nälein’ .Kaks’pol’žid avaroid’ armoižid’-ni ele ka .Puugeškatas mindei sulad susedaižed ».Ninga voikaba , Voikiba kut miile linneb eläda , naku jänuded olimei kaks’ velled .Üks’ vel’l’ oli vižvozne jänu , a minä kuumetoštkümne vot olin’ jänu .Mamoi koli , nu ka värižimei da samei : «Kut miile zavot’t’a eläda ?Pakičemha mända ?Vanhemban vellen otiba pomošnikaks pisar’an .Prihäine minunke jänu , mänemei mecha .Kuni külläks em väriškoi , rata-ki em voigoi ».Aid koheta tariž , kaik sijad kahten tehtas .Hiinäntegon aigan ka hiin tehtas , sabrad pandas .Muga gor’uimei , elimei .Kahesan virstan taga hiinän tehlim .Hebo-se miil’ ol’ ka hebole samoiš , händast sel’gan taga ištutan da sin’n’a ajamei da sigä päivan radamei .A ehtou möst kodihe , živateižed kodiš ka .Homencou möst nuuzed pimedas da möst sin’n’a ajad radole .
- Vedas-ik kolii koumale hebou ?
- Kaikuččou hebod-se elend , pakičemha mända . Vedas ii uugas , kalun pandas da nel’l’an kesken vedas .A kel hebo om ka hebou edemba koumoile todas .Pap’ miil’ üks’ Mäggärves , videntoštkümnenden virstan taga .Mugoi oli vero ka papita ii pandud .Erašti sutkad kuume ištub pokoinik maha panmata , pap’ tuleb , kerdou hiid pajatab .Vedas , karha pandas , voiktas , koumoil’ voiktas .Pandas venčikon ocale , poddorožnijan kädehe da muga .Dengoid’ eraz om bohatemb ka paneb enamb , a erasuu ele ka tri kopeiki paneb .Pohjha lükeitas , ii sanugoi nimidä .Jäl’ghe mahapanendad kuz’ nedalid' i nel’l’kimčed oigetas .Tuleb narod ištmaha , ön išttas , a homencou koumoile ajeltas , otmaha käveltas pokoinikan .Söttas da jottas möst narod , hiittas sötandan ka möst sattas pagastale pokoinikan .Kaiken aigan voiktas , sattes voiktas , ehtou išttes voiktas .Kanman jesli homen nel’l’kümčed ka kanman voiktas , ön išttas .Narodad keradase äi .Homencou svätišoi , möst tuudas longele .Erased i kaks’kümne päiväd oigetas , ii kerakoi narodad , vaiše ičeiž kanz .Louč jumoučoghapäi , loučal venub .Rožad ii katkoi , a ištäs , kattas .Groban tehtas , ön pal’l’az , a toižou päivou maha paneškatas , grobha lehtesid riptäs koivuižid vastoišpäi , a päle levitadas , bohatemb ka , paremban kalinkoran levitab , a gol’l’embou ele ka sobaspäi kuluspäi .Pagastal osttas venčikan , podorožnijan .Groban mužikad tehtas , om kodiš ičeiž , ka i toižed postoronnijad abutadas , vatagou tehtas .Jäl’ghe koumoile käveltas , muštmižen vedas , mušttas .
Kut koljan maha pandas
Veps
Central Western Veps