Texts
Return to list | edit | delete | Create a new | history | Statistics | ? Help
Karjalazien neruo Pariižas
Karjalazien neruo Pariižas
Livvi
New written Livvic
Pariižas , Ven’an
hengelliskul’tuurizes pravosluavizes keskukses 13.kevätkuudu avavui ven’alazien rahvahien neroloin ozuttelu , kuduan tavoittehennu on ozuttua Ven’an alovehien kul’tuurumoniluadužuttu da koloriittua .
Ozuttelus on perindöllisty ruuttua , piähinehty , kanzallistu soitindu , bobastu da kodivehkehty .Karjalaspäi ozutettavannu ollah vehkehet Karjalan nerot interjeras -katalougaspäi , kuduan luadijannu on ECHO-etnokul’tuurizien keskuksien assotsiatsii , kudai toimiu Kul’tuuruministerstvan kannatuksel .
Karjalaine ekspozitsii ozuttau kudomistu , keruamiekkua , kirjoindehtu , tuotehtu kangahis da vizakoivus .
Ven’an suveniiru -ozuttelun ohjuajannu on Ven’an federatsien Kul’tuuruministerstvu .
Ozuttelun avajazet piettih Ven’alasfrantsielazen ekonoumiekan , finansoin , tevolližus - da torgukyzymyksien 17.kerähmyö vaste .
Paiči Karjalua , ozutteluh yhtyttih Baškortostanan , Dagestanan , Komin , Hakasian , Čuvašoin tazavallat , Astrahanin , Lipetskan da Tulan alovehet .
Delegatsiedu ohjuau Ven’an federatsien Kul’tuuruministerstvan Turizman da alovehellizen poliitiekan departuamentan johtai Ol’ga Jarilova .
Karjalazien neruo Pariižas
Livvi
New written Livvic