Texts
Return to list | edit | delete | Create a new | history | Statistics | ? Help
Tatjana Torvinen. Mitein muuttuu monokaupunkien näkö?
Tatjana Torvinen
Mitein muuttuu monokaupunkien näkö?
Karelian Proper
New written karelian
Kaupunkin komforttilaloveh -prioritettiprojektin tarkotukšena on
šuaha paikalliseläjät ta ekspertit yhtymäh omien paikkakuntien niijen kohtien valiččomiseh , kumpaset tarvitah hoitamista ta kunnoštamista .Ne voijah olla esimerkiksi kerroštalojen pihat tahi kaupunkipuistot ta muut yleiset paikat .Projekti šynnytti Karjalan eläjien šuurta kiinnoššušta , ihmiset kehitettih omie projektiehotukšie ta lähetettih niitä paikallisih ičehallintoloih .Projektin kurattori , Karjalan Tašavallan halličukšen varapiäministeri Igor’ Širšov mainičči , jotta noin 405 projektie tavottelou b’utžettirahojen šuamista .
Projektin toteuttamiseh tänä vuotena ošallistuu Karjalan kolmekymmentä paikkakuntua .Lähiaikoina joka kaupunkissa ta pos’olkašša , kumpaset ošallissutah projektih , pietäh yhteiskuntakomiisien issunnot .Komiisit valitah ne kohat , kumpaset kunnoššetah 2017 vuotena .Šemmoset komiisit on peruššettu Karjalan kaikissa piirilöissä ta kaupunkipiirilöissä .Komiisiloih kuuluu Venäjän kanšanrintaman etuštajie , paikallishallintojen spesialistija , deputattija ta paikallislehtien piätoimittajie .Paikallisien komiisien luatimat piätökšet hyväkšyy alovehellini yhteiskuntakomiisi , kumpaista johtau Karjalan piämiehen virkua toimittaja Artur Parfenčikov .
MUJEJÄRVEN KUNNOŠTAMISPROJEKTIT ŠUAHAH TUKIE
Mujehjärveššä šemmoni issunto oli jo pietty .Yhteiskuntakomiisi tarkkah tutki projektiehotukšien dokumentit kolmen pihan kunnoštamisešta ta piätti hyväkšyö kaikki nämä projektit .Ne šuahah tukirahua Karjalan tašavallan b’utžetistä šummalla 720 tuhatta rupl’ua .
Näijen projektien puittehissa on šuunniteltu pihateijen ta katuvalaissukšen remontti , penšahien issuttamini , skammien ta ruhkakorien ašettamini .Šen lisäkši kahešša pihašša ašetetah lapšien leikkikentät .
Šitä paičči komiisin jäšenet oli valittu kakši yleistä paikkua , kumpaset niise tarvitah kunnoštamista : koulun kävelykuja ta Mujejärven keškušaukivo .Näijen kohtien kunnoštamisprojektit liitytäh Viisi ašelta monokaupunkin kunnoštamiseh - hjelmah .
Yhtehiseššä kokoukšešša , mi pietäh 11.šulakuuta , Mujejärven eläjät piätetäh kumpi näistä paikoista kunnoššetah tänä vuotena .
PUUDOŽISSA KUNNOŠŠETAH KAUPUNKIN PUISTIKKO
Puudožin eläjät oli valittu kunnoštamiskohtehekši kaupunkin puistikon Kalinininkavulla .Šen kunnoštamistyöt toteutetah federalisilla tukirahoilla Viisi ašelta monokaupunkin kunnoštamiseh -ohjelman mukah .Projektin toteuttamiseh tarvitah šuunnillen 1,15 miljonie rupl’ua .Paikalliseläjien yhtehiseššä kokoukšešša oli esitetty puistikon disainiprojekti , kumpani oli kehitetty kyšelyh ošallistujien puudožilaisien ehotukšien pohjalla .Hylätty hoitamatoin puistikko on melko šuuri alaltah – yli 6 tuhatta kuutijometrie .Šen lähellä on koulu ta päiväkoti .Šajekuuh männeššä puistikošša meinatah šahata vanhat kuatumaisillah olijat puut , luatie kukkapenkit , issuttua puita ta penšahie , rakentua monitoimini urheilukenttä , nykyaikani lapšien leikkikenttä ta ašettua levähyšskammit .
Šamoin yhteiskuntakomiisi oli valinnun Puudožissa kolme piha-alovehta , kumpaset kunnoššetah tänä vuotena yhtehisellä šummalla 2,3 miljonie rupl’ua .
Mitein muuttuu monokaupunkien näkö?
Karelian Proper
New written karelian