Texts
Return to list | edit | delete | Create a new | history | Statistics | ? Help
Natalja Sinitskaja. Petroskoil piettih kielikilbu
Natalja Sinitskaja
Petroskoil piettih kielikilbu
Livvi
New written Livvic
Sulakuun
enzimäzenny piän Karjalan opastuksen kehityksen instituutas tavan mugah piettih karjalan , suomen da vepsän kieldy opastujien kilbu .Kilbah tuli niidy lastu , kuduat jo voitettih piirin da linnoin kilvois .Tämän vuvven olimpiadah tuli 73 opastujua Priäžän , Anuksen , Kalevalan , Onieganrannikon , Karhumäin , Kondupohjan , Suojärven piirilöis da Petroskoilpäi .Enimät lapset – 25 hengie – opastutah Petroskoin školis .Kui mulloigi kielen tiedäjien kilbah tuli piiterilästy školanopastujua – kuuzi hengie .Enzimästy kerdua täh pidoh tuli Piiterin Podporožjen piiris eläi vepsäläine brihačču .Nygöi kieliolimpiuadu on alovehienväline pido .
Kaikis enin kilbuniekkua – 12 hengie – oli suomen kielen joukos , kuduas kielineruo ozutettih yheksänden kluasan opastujat .Suuret oldihgi liygiläzien joukot : nelländen-viijenden opastusvuvven joukos da 9.-10.kluasoin opastujien joukos oli yksintostu hengin .Vienalastu oli vähästy vähembi – seiččemin hengin joukos .Vepsälästy sidägi vähembä .
Enne sidä , ku lapsii suatettih kluassoih da annettih kaksi čuassuu harjaituksien luadimizeh , kilbuniekkoi karjalan da suomen pajoloil da tansiloil veseldytti Peregudki -lapsienjoukko .Lapsii tervehtettih Karjalan opastundan ministran sijahine Tatjana Vasiljeva , Kanzallizen poliitiekan varaministru Jelena Migunova da Karjalazien VIII kerähmön vallittuloin nevvoston piälikkö Tatjana Klejerova .Kirjazennu omat tervehtyssanat kilbuniekoile työndi Suomen Piiterin konsul’stvu .
Kilvas lapsile pidi ozuttua sidä , kui hyvin hyö ellendetäh karjalan -, vepsän - da suomenkielisty paginua , kui da min verran iče maltetah paista nämmih kielih .
Arvostajien joukkoh tänävuon , kui ennegi , kuuluttih kanzalliskielizis joukkoviestimis da Kanzallizes arhiivas ruadajat rahvas , yhteiskunnallizien liittoloin aktivistat , Petroskoin valdivonyliopiston kielen opastajat .
Mullozien da tämänvuodizen karjalazien kilbuniekoin kielineroloi verrates arvostusjoukkoh kuulujat yhteh iäneh sanotah , ku enne kyläläzet lapset parembi maltettih kieldy , migu linnalazet .Kyläs eläjil lapsil oli mahto kuulta kieldy ei vaigu školas , ga kois , pihal , rahvahien keskes .Nygöi kielitilandeh muutui pahembah puoleh .Liennego se ozuttau , ku karjalan kieli kylis on čiisto häviemäs .
Petroskoil piettih kielikilbu
Livvi
New written Livvic