Texts
Return to list | edit | delete | Create a new | history | Statistics | ? Help
Anna Deš. “Muan tunti” on luonnon puolešta
Anna Deš
“Muan tunti” on luonnon puolešta
Karelian Proper
New written karelian
”Muan
tunti ” on jokavuotini kanšainvälini aktijo , kumpaista järještäy Muajilman luonnonšiätijö ili WWF .
Šitä vietetäh kevätkuun viimesenä šuovattana .Aktijon aikana pitäy tunniksi šammuttua valot ta muut šähkölaittehet .
WWF on yksi šuurimmista kanšainvälisistä järještöistä , kumpani šuojelou luontuo .Šiätijöh kuuluu noin viisi miljonie ošallistujua ta še toimiu yli šuašša muašša .Venäjällä niise WWF :n ošallistujie lisäytyy joka vuosi .WWF :n tehtävänä on planetan luonnollisen ympäristön šäilyttämini , ihmisen ta luonnon šointu šekä Muan biologisen monipuolisuon šäilyttämini .
Muan tunti -aktijon tarkotukšena ei ole šähkön šiäštö , kun ihmisien huomijon kiinittämini muajilman luonnon proplemoih , kumpasista šuurena proplemana on meijän planetan ilmašton muuttumini šekä näyttyä , jotta ihmisien pitäy yhistäytyö tätä proplemua vaštah ta jotta še on mahollista .
WWF järješti enšimmäisen "Muan tunnin " vuotena 2007 Australijašša .Aktijo vietettih šujuvašti – šiih ošallistu yli kakši miljonie henkie .Ta šeuruavana vuotena aktijoh yhty jo muajilman 35 muata .Venäjällä Muan tunti -aktijo virallisešti tuli vuotena 2009.Ta vuotena 2013 šiih ošallistu jo Venäjän yli 70 kaupunkie .
Aktijon aikana äšen muajilman kuulusimmissa nähtävykšissä šammutetah kaikki valot , esimerkiksi , Colosseus Roomašša , Empire State Building Yhyšvalloissa , Eiffelin torni Pariisissa , Ateenan Akropolis , Sidnein oopperatalo ta monet muut nähtävykšet šeisotah valotta .Moskovašša šammutettih valot Moskova-Sitikeškukšešša , Uuvvella Arbatilla , Ostankinin TV-tornilla , Hristossa Pelaštajan kiriköššä , Moskovan valtijonyliopiston piärakennukšešša , Bol’šoi-teatterissa ta toisissa paikoissa .Piiterissä šammutettih valot šilloilla , Petrun ta Puavalin linnašša , Palaččirantakavulla , Talvipalaččiloissa , Eremitaašissa .
Muan tunti 2017 -aktijon piäaihiena oli ihmisen vaštuullini šuhtautumini luontoh ta piälaušehena “Muuta iččie eikä planettua ”.
Tänä vuotena aktijo piettih 25.kevätkuuta klo 20.30–21.30.Še oli kymmeneš aktijo , kumpaista vietettih kanšainvälisellä tašolla ta tällä kertua še tuli šuurimmakši istorijašša .Aktijoh liitty muajilman 184 muata ta še on kuutta kertua enemmän , mitä viime vuotena .Venäjällä Muan tunti -aktijoh yhty 150 kaupunkie ta še on puolitoista kertua enemmän , mitä viime vuotena .
Yhteheš täh aktijoh ošallistu kakši miljardie henkie ympäri muajilmua , yli 175 muata , noin 7000 kaupunkie .Še on vapuaehtoni aktijo – ihmiset iče piätetäh , mimmoset šähkölaittehet hyö šammutetah , a kaupunkien vallat kannatetah aktijuo ta šammutetah kaupunkien eri paikkojen valot .
Kaupunkiloissa vietetäh erilaisie flashmobija “Muan tunnin ” kunnivokši .Enšimmäisinä , ket otettih vaštah Muan tunti -aktijo , oltih Samoa-šuaren eläjät ta lopetettih aktijo Cookinšuarien eläjät .Muan tunti -aktijolla on virallini saitti 60.wwf .ru/ , mistä voit tarkemmin lukie šiitä .Venäjällä enšimmäisinä oltih PetropavlovskKamčatski -kaupunkin eläjät ta viimesinä – Kaliningradin eläjät .
Jokahini ehokaš voit ošallistuo Muan tunti -aktijoh .Kaikki tarvittavat tiijot voit löytyä virallisilla nettišivuilla , pitäy vain täyttyä šielä pieni anomuš , jotta šiun iäni ois lašettu .Lisäkši saitilta löyvät kartan , mih pitäy merkitä iččieh ta oman paikkakunnan , jotta vois kaččuo ta kuvitella šen avulla , kuin äijän ihmisie ošallistuu aktijoh .Petroskoissaki on äijän šemmosie ihmisie .Tietyšti , ei kaikin merkitä iččie karttah , ta voipi šanuo , jotta ošallistujie on vielä enämpi , mitä myö niämmä kartašta .
“Muan tunti” on luonnon puolešta
Karelian Proper
New written karelian