VepKar :: Texts

Texts

Return to list | edit | delete | Create a new | history | Statistics | ? Help

Anni Vlasova. Karjalaini juhla Piäjärveššä

corpus: Journalistic texts

Source:
Oma Mua. № 13, 2017, p. 10

Anni Vlasova

Karjalaini juhla Piäjärveššä

Karelian Proper
New written karelian
Kalevalan mosaiikin rajoissa Piäjärven kyläššä 19. kevätkuuta piettih Karjalaini pruasniekka

Kulttuuritalolla keräytynyöt hyvällä mielellä kuunneltih Kalevalan kulttuuritalon Kalevala-lauluyhtyvehen šuuri konsertti. Šen ohjuajana on Karjalan tašavallan anšijoitunut kulttuurialan ruataja Valentina Saburova, kumpani on hyvin tuttu piäjärviläisillä. Konsertissa oli vanhoja kanšanlauluja ta hiälauluja, ka kaikista kiinnoštavie oltih Valentina Kirillovnan šepittämät laulut ta runot, kumpaset kerrotah omašta šeuvušta ta muamonkieleštä.
Šen lisäkši pruasniekan vierahina oltih karjalaiset Kiestinkistä ta Sohjanankošelta. Kaikin yheššä myö joima čäijyö, lauloma karjalaisie lauluja. Pruasniekan tunnelmua lisättih bufetin toiminta šekä arpajaiset, kumpasie varuššettih Karjalaini pirtti -etnokulttuurikeškukšen aktivistit.
Kiitämmä Valentina Saburovua ta kaikkie artistoja šuurešta panokšešta karjalan kielen ta kulttuurin šäilyttämiseh. Tulkua toičči!
The site was created by the staff of the Karelian Research Center of the Russian Academy of Sciences
You can freely use the materials of our site and share them, most importantly - indicate authorship and a link to our resource.
More about the CC BY 4.0 license
© VepKar. Open corpus of Veps and Karelian languages