Texts
Return to list | edit | delete | Create a new | history | Statistics | ? Help
Matin luona ativoissa
Matin luona ativoissa
Karelian Proper
New written karelian
Kalevalatalo-etnokulttuurikeškukšen asientuntija
Alevtina Rugojeva kävi 6.šulakuuta päiväkojin nro 2 Tijaset-ryhmän ativoissa .Kielipešän lapšie varoin kekšittih Matin luona ativoissa -nimini juhla .Alevtinalla oli oma rooli , hiän oli Matti-poikana .
Lapšet laulettih Matilla mukavie ta kaunehie lauluja vienankarjalakši , leikittih ta tanššittih .Kašvattajat Žanna Tikkanen ta Oksana Torvinen kekšittih oikein mukavie leikkijä .
Kaunista oli kaikki : karjalaiset juhlavuattiet; piiruššukšet ta kuvat , kumpasissa on esitetty kanšallini ornamentti; karjalaini koti , missä on kalitat , tuohešta luajitut aštiet ta äijä muuta mielenkiintoista; karjalan kieli , laulut ta leikit , ta tietyšti iče lapšet !Hyö tiijetäh , mitein karjalakši šanuo numeroja , koti - ta meččäelukkoja , voijah vaššata kyšymykših .
On ihmehellistä , jotta niin pienet pojat ta tytöt ošatah paissa vienankarjalakši .Kašvattajien Žanna Unovnan ta Oksana Sergejevnan anšijošta täššä päiväkojissa eläy meijän karjalan kieli .Ta tärkeintä on še , jotta lapšet tykätäh ta tahotah paissa karjalakši .Kieli kehittäy älyö !
Matin luona ativoissa
Karelian Proper
New written karelian