Texts
Return to list | edit | delete | Create a new | history | Statistics | ? Help
Aleksandr Volkov. Runoloin sugii da lugii
Aleksandr Volkov
Runoloin sugii da lugii
Livvi
New written Livvic
Kirjuttai
runoloi sugiu ,
Syväimel lugis kui lugii ,
Ellendäs muamaizen kielen ,
Piäh ottas rahvahan mielen .
Silittiä , struugata sana ,
Vaiku ei rikkos sen vana ,
Sit Died’o poklonan panou ,
Bunukku passibon sanou .
Unohtua ei pie ku pero
Iče ei tariče neruo .
Et tahto sanaizii sugie –
Piän kiändäy sinuspäi lugii .
On hyvä mieli , ku jälgiaigua rodieu uuttu runon kirjuttajua karjalan kielel , onnuako on äijy runuo , ven’akse sanuo : “sikos’ - nakos’ ”, hot’ on hyvä da pädevy teemu .
Nägeväkse sanuo : pläššiy rifmu , särizöy ritmu , korvua kubaittau meloudii da kuva vois olla näbiembi .
Pidäs joga školas , kus vie opastetah omua kieldy , opastua runotehniekkua .Vois kirjuttajien yhtevykses dai “Periodikan ” levon al pidiä seminuaru joga vuottu .
Runoloin arvosteluu ei nävy ni gazietois .Ilmai sidä viäryrivizii runoloi jiäygi tulieloile polvile .
Runot da pajot ollah kaksi savakkuo , kudamien vuoh kestäy kieli .
Tiettäväine , on valgiedu runuo , välliä runuo , ga niil on omat kirjutustavat da siännöt , omat teematgi , sanommo , suarnat , čomal taval kirjutetut lyhyöt kerdomukset da äijy tostu .Niis kus ei ole rifmua , on ritmu , meloudii , luvendutaba , kudai eroittau runuo proozas .
Runoloin sugii da lugii
Livvi
New written Livvic