Texts
Return to list | edit | delete | Create a new | history | Statistics | ? Help
Varghuz' zooparkas
Varghuz' zooparkas
Veps
New written Veps
Marko Rice om
mail’man tetab ecii .Hän voib ozaita miččen taht ozoitesen da kaikid jügedamban pahan tegon , löuta kaikid nügemban pahantegijan .Necen lehtesen nomeras om kaks’ detektivstarinad , miččiš melekaz ecii kebnas om löudnu pahantegijoid .Void-ik sinä ozaita nene ozoitesed da mugažo löuta pahantegijan kebnašti ?
Oli zooparkan jäl’gmäine radčas .Kävujad jo hilläšti läksiba zooparkan verajidennoks , kut äkkid kului kidastuz .Ühtel vanhal naižel kadoi čoma sumk .Naine ehti nägištada poiš joksijan mehen sel’gän .Sid’-žo mehen jäl’ghe tacihe tetab ecii Marko Rice , kudamb mugažo oli sil päiväl zooparkas .Hänenke ühtes läksi üks’ kävui , kudamb oli sanunu , miše tedab zooparkan kaikid peitsijoid .Mehed tarkišteliba kaiken zooparkan ühtes , no pahantegijad ei olend nikus .Mända poiš zooparkaspäi vargaz ei voind , sikš ku vaiše päverajad oli avaitud , no sigä varjoičiba policiimehed .
Marko Rice om jo meletanu , miše mez’-abunik manitab händast .Voib olda , mez’ om pahantegijan abunik da nügüd’ tahtoib peitta kaikid pahan tegon jäl’gid .No sid’-žo nece meletuz kadoi .Ecii homaiči ühten tärktan azjan , mitte abuti löuta pahantegijan .
Vastuz : Üks’ zooparkan radnik sötab zebrad lihal , no hänele pidab teta , miše zebr om kazvmuzsöi živat .Nece mez’ om vargaz .
Varghuz' zooparkas
Veps
New written Veps