Texts

Return to list | edit | delete | history | ? Help

Mecnik-bahval

Corpus: New-writing language

New written Veps, Texts for children

Source: Vaumišti Ksenia Koskhaine, Kipinä. № 6, (2017), p. 7

Mecnik-bahval
(Vepsian)

Marko Rice om mail’man tetab ecii. Hän voib ozaita miččen taht ozoitesen da kaikid jügedamban pahan tegon, löuta kaikid nügemban pahantegijan. Necen lehtesen nomeras om kaks’ detektivstarinad, miččiš melekaz ecii kebnas om löudnu pahantegijoid. Void-ik sinä ozaita nene ozoitesed da mugažo löuta pahantegijan kebnašti?

Ühthe čomaha pertihe läz Neapol’-lidnad tuli elämaha eraz anglialaine Aleks Black. Čoma irdnägo da hüvä ičtazepidänd abuti hänele tehtas lidnan kaikiden bohatoiden ristituiden sebranikaks. Aleks oli uz’ da lujas popul’arine mez’ lidnas. Hän oti rahad velgha kaikil bohatoil ristituil. Konz Aleks oli velgoiš korvihesai, hänennoks adivoihe tuli ecii Marko Rice. Tetab ecii oli Neapoliš lebul. Aleks oli lujas ustavakaz ižand. Hän kucui Markod surehe zalaha, kus seinil ripui erazvuiččid kuvid da ekzotižiden živatoiden nahkoid.
Kaik nene živatad minä iče mecazin Afrikas, – bahvalihe Aleks.
Sinä oled hüvä mecnik! ihastui Marko Rice da zavodi kacta nahkoid. Sid’ ecii spasiboiči ižandad da läksi policijaha.
Nece mez’ om todesine kelastai, – sanui sigä Marko. Aleks Black ei maksa velgoid ni ühtele lidnan eläjale.
Kacu kuvaha da meleta, mi abuti melekahale ecijale tehta mugošt ühthevedod?

Vastuz: Aleksan pertin seinäl ripui tigran nahk, no todesine mecnik tedab, miše tigrad ei elägoi Afrikas.