Texts
Return to list | edit | delete | Create a new | history | Statistics | ? Help
Valentina Saburova. Meččämökki
Valentina Saburova
Meččämökki
Karelian Proper
New written karelian
Šeisou
mökki pellon laijalla ,
Eikä korkie , eikä matala .
Tuolta hiiri juošša hipšuttau ,
Oven luokši tuli , koputtau :
– Ken , ken eläy mökissä ?
Ken , ken eläy pieneššä ?
(Kurkistau mökkih .)
– Ei ole ketänä , rupien elämäh yksin .
Šeisou mökki pellon laijalla ,
Eikä korkie , eikä matala .
Tuolta jänis loikkiu mečäštä ,
Oven luokši tuli , koputtau :
– Ken , ken eläy mökissä ?
Ken , ken eläy pieneššä ?
– Mie , Hiiri-hipperöini ,
Ken šie olet ?
– Mie olen Pupu-jänö ,
Ota milma elämäh .
– Tule , tule . Nyt meitä on kakši .
Eikä korkie , eikä matala .
Varovašti hiivou repo mečäštä ,
Oven luokši tuli , hil’l’ah koputtau :
– Ken , ken eläy mökissä ?
Ken , ken eläy pieneššä ?
– Mie , Hiiri-hipperöini .
– Mie , Pupu-jänö ,
Ken šie olet ?
– Mie olen Repo-pitkähäntä ,
Ottakkua milma elämäh .
– Tule , tule . Nyt meitä on kolme .
Šeisou mökki pellon laijalla ,
Eikä korkie , eikä matala .
Harmua hukka juošša kiirehtäy ,
Oven luokši tuli , koputtau :
– Ken , ken eläy mökissä ?
Ken , ken eläy pieneššä ?
– Mie , Hiiri-hipperöini .
– Mie , Pupu-jänö .
– Mie , Repo-pitkähäntä ,
Ken šie olet ?
– Mie olen Hukka-harmuatukka ,
Ottakkua milma elämäh .
– Tule , tule . Nyt meitä on nellä .
Šeisou mökki pellon laijalla ,
Eikä korkie , eikä matala .
Šuuri kontie tulla liäpöttäy ,
Oven luokši tuli , koputtau :
– Ken , ken eläy mökissä ?
Ken , ken eläy pieneššä ?
– Mie , Hiiri-hipperöini .
– Mie , Pupu-jänö .
– Mie , Repo-pitkähäntä .
– Mie , Hukka-harmuatukka ,
Ken šie olet ?
– Mie olen Šuuri Kontie ,
Ottakkua milma elämäh .
– Šie olet šuuri , et šovi mökkih .
– Mie noušen katolla .
– Nouše , nouše . Nyt meitä on viisi .
Kuatu mökki pellon laijalla ,
Eikä korkie , eikä matala .
– Tulkua kaikki meitä auttamah ,
Uutta šuurta taluo noštamah !
Nyt on talo pellon laijalla ,
Vanhan pienen mökin paikalla .
Yštävät miän šielä eletäh ,
Mukavašti aikua vietetäh :
– Mie , Hiiri-hipperöini .
– Mie , Pupu-jänö .
– Mie , Repo-pitkähäntä .
– Mie , Hukka-harmuatukka .
– Ta mie , Šuuri Kontie .
Meččämökki
Karelian Proper
New written karelian
–
–
–
–
–
–
–