Texts
Return to list | edit | delete | Create a new | history | Statistics | ? Help
Natalja Denisova. “Karjalan nuorus” Anuksen piiris
Natalja Denisova
“Karjalan nuorus” Anuksen piiris
Livvi
New written Livvic
Vuvvennu
2017 Karjalan tazavaldu pidäy omassah 97 -vuozipäiviä .Pruazniekku pietäh kezäkuul Anuksenlinnas .Pruazniekan piälimäzii pidoloi rodieu suomalasugrilazen nuorižon festivuali “Karjalan nuorus ”.
Tämän festivualin hantuzis järjestetäh kaksi matkua Petroskoispäi Anuksen piirih : nuorien pajo - da tansijoukot lähtietäh ezittämäh Anuksen piirin kylih .Enzimäine matku oli jo mennyt pyhänpiän , 23.sulakuudu .Gostii vastattih Tuuksen kyläs , Koveris da Kotkatjärvel .Koverin eläjii ihaškoitettih Petroskoin taidoškolan Vesläžetjoukon lapset , hyö ozutettih kui ennevahnas nuoret käydih bes’odale , pajatettih , tansittih da kižattih meijän ezi-ižien tabah .
Tuuksen kul’tuurutalois ezitti Petroskoin konservatourien Istoki -joukko .Tansijes da pajattajes rahvas ei kylmetty viluhkos kul’tuurutalois .
Murginan jälles kai matkuniekat lähtiettih Kotkatjärvele , sigäläzes kul’tuurutalois ezityttih jo kaksi joukkuo .Paiči artistoi matkah lähtiettih karjalazien heimovellet – Vepsän kul’tuuruseurah kuulujat Larisa Čirkova da Galina Lokkina .Vepsäläzet naizet saneltih omis projektois nuorižonke .
Matkah yhtyi gi Periodika-painamo , festivualil sai ostua kniigua , lehtie da žurnualua kanzallizil kielil , sai gi tilata Oma Mua -lehti .
Toine tämänmoine matku Anuksen piirih rodieu 30.sulakuudu .Mägriän kyläh lähtöy Petroskoin valdivonyliopiston Toive-ansambli , Kuittizes ezittyy "Kajahuš ", Kuujärves ozuttau spektaklii Čičiliušku -tyttiteatru .Omis ruadonerolois nuorižon hyväkse saneltah Karjalan Rahvahan Liiton aktivistat .Pidoh tulluot suajah ostua da tilata “Periodikan ” julgavoloi .
Festivualin järjestäjänny on Anuksen karjalazet -liitto , projektua jengal kannattau Kandurahvahien välialovehine kannatuskeskus .Festivualin hantuzis pietäh kaksi kilbua nuorih niškoi : Moja Karelija -videos’užietoin kilbu da Karelija – eto mi karjalan , vepsän da suomen kieldy maltajien kilbu .Kilboih voibi yhtyö sulakuun 30.päivässäh .
Festivualin jälgimäine pido rodieu 10.kezäkuudu Anuksenlinnas .Suureh konsertah yhtyy petroskoilazien da anukselazien nuorien joukkuo .Konsertal roitah ilmoitettu da palkittu iel mainittuloin kilvoin voittajat .
“Karjalan nuorus” Anuksen piiris
Livvi
New written Livvic