Texts
Return to list | edit | delete | Create a new | history | Statistics | ? Help
Šyö šankie, jotta et lankie
Šyö šankie, jotta et lankie
Karelian Proper
New written karelian
Šanki on
tavallista karjalaista ruokua .Še oli stolalla šekä arkena , jotta pruasniekkanaki .Varšinki talvella kun piti kiukaita lämmittyä joka päivä , niin harvoin še jätettih ”lešekši ”.Emäntä sriäppi konša mitäi .Tavallah luajittih potakkašankie ta marja-aikana sriäpittih rikenempäh marjašankie .Potakkašanki oli šen puolešta hyvä , jotta šitä šyötih koissa kalan , lihan , šienen kera tai otettih kalakukon kera matalla lähtiessä evähiksi .Šemmosešša šankissa on kakši hyvyä : leipä ta potakka .Pohjana oli hapantaikina , mistä taputettih ploškan kokosie rieškoja , kumpasien piällä levitettih reunoja myöten potakkahuttuo .Jotta šanki tulis makie , taikina piti olla hyvä ta kuohkie , a potakkahuttu makie .Kaunehekši paissettuo ta hyväkši voijettuo voitajaisina kuumua šankie šyötih maijon kera .Potakkašanki ei ole niin makie toisena päivänä , šentäh ni sriäpittih vain yhen päivän tarpehiksi .
Myö koissa piemmä šankie ihan herkkuruokana .Olen tottun šiih pieneštä šuaten .Aina kun pereh keräytyy yhteh , niin muamo sriäppiy koko porukan tilaukšešta šankie .Šuuri šankiluota on stolan koristehena .Kun šyöt kakši-kolme šankie ta välih pistelet mitänih muuta , niin olet kuin popuškaini ta voit nälkähistä pakautella .Nyt niitä šankie šuau kaupaštaki , vain ei ne kotišankilla vertua vejä .
Ei mistänä löyvy makiempua muamon sriäppimyä šankie .
Šyö šankie, jotta et lankie
Karelian Proper
New written karelian